上海弄堂菜肉餛飩 (綿發街)

營業中

休息中

Item: 上海弄堂菜肉餛飩 (綿發街)
Rating: 5
Author: lcnkenny0725

Shanghai Lane (Min Fat Street)

167 食評

味道

環境

服務

衛生

抵食

2968

跑馬地

$51-100

滬菜 (上海) 無肉餐單中菜館咪嘥嘢食店

139

資訊:
餐廳:	上海弄堂菜肉餛飩 (綿發街)

為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。

詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign

lcnkenny0725

等級4

298

平日都會去啲上海店同埋台灣水餃店食餛飩或者水餃，試完呢間餐廳嘅雲吞暫時覺得係喺香港食過最好食嘅，值得推介！可能呢間餐廳嘅位置唔算起眼，所以都係隨便入去食，冇話太大期望...點知就好有驚喜！點咗個三拼小食，有花雕醉雞、四喜烤麩同肴肉...三樣都好食，尤其係花雕醉雞，佢充滿咗酒香，但係就冇酒嗰種苦味，而且雞肉嫩滑，雞皮食埋都唔覺得肥膩！肴肉夠凍，肉質結實而彈口，食嘅時候好有口感。另外點咗個菜肉雲吞麵同埋紅油抄手，食得出佢嘅菜肉雲吞係新鮮整，因為菜肉粒粒分明，啲菜仲會索索聲，夠脆口！豬肉有肉汁，而且雲吞皮又薄又滑，其他地方食嘅菜肉餛飩通常菜同肉都搞得稀爛似肉餅狀，食嘅時候就冇乜口感...但係呢個就完全唔同，有口感又新鮮，做得非常之好！佢嘅紅油抄手紅油偏少，所以冇乜油膩感，但係個辣度都仲keep到...配埋類似甜豉油嘅醬汁，同菜肉雲吞麵嘅雲吞係兩種唔同嘅味道，不過個口感同埋freshness係一樣嘅！另外點咗一個小籠包，同樣都係好多湯汁，可能佢嘅雲吞做得太出色，呢個就冇咁突出，不過都屬於中上之作嘅。值得一提嘅係呢間餐廳嘅侍應同埋老闆(?) 服務態度好好，點餐嘅時候又會推介菜式，食嘅時候又會

平日都會去啲上海店同埋台灣水餃店食餛飩或者水餃，試完呢間餐廳嘅雲吞暫時覺得係喺香港食過最好食嘅，值得推介！

可能呢間餐廳嘅位置唔算起眼，所以都係隨便入去食，冇話太大期望...點知就好有驚喜！點咗個三拼小食，有花雕醉雞、四喜烤麩同肴肉...三樣都好食，尤其係花雕醉雞，佢充滿咗酒香，但係就冇酒嗰種苦味，而且雞肉嫩滑，雞皮食埋都唔覺得肥膩！肴肉夠凍，肉質結實而彈口，食嘅時候好有口感。

另外點咗個菜肉雲吞麵同埋紅油抄手，食得出佢嘅菜肉雲吞係新鮮整，因為菜肉粒粒分明，啲菜仲會索索聲，夠脆口！豬肉有肉汁，而且雲吞皮又薄又滑，其他地方食嘅菜肉餛飩通常菜同肉都搞得稀爛似肉餅狀，食嘅時候就冇乜口感...但係呢個就完全唔同，有口感又新鮮，做得非常之好！佢嘅紅油抄手紅油偏少，所以冇乜油膩感，但係個辣度都仲keep到...配埋類似甜豉油嘅醬汁，同菜肉雲吞麵嘅雲吞係兩種唔同嘅味道，不過個口感同埋freshness係一樣嘅！

另外點咗一個小籠包，同樣都係好多湯汁，可能佢嘅雲吞做得太出色，呢個就冇咁突出，不過都屬於中上之作嘅。

值得一提嘅係呢間餐廳嘅侍應同埋老闆(?) 服務態度好好，點餐嘅時候又會推介菜式，食嘅時候又會主動埋嚟幫你加茶，又會同啲食客有講有笑，似乎同啲街坊關係都唔錯(笑)

我見嗰張墊枱紙上面寫住：弄堂即係上海嘅小巷咁解，咁啱呢間餐廳又喺跑馬地嘅一個小巷裏邊，個名真係改得貼切！我諗如果呢間餐廳唔係因為唔近地鐵站，佢應該會更受歡迎同埋大排長龍... 呢度啲菜式又好食，服務又好，希望更多人試到佢嘅雲吞同埋上海菜，個人十分推介！下次會再嚟食過，或者試下佢其他分店睇下個水準係咪一樣先。