影片
更多
2019-03-19
36 瀏覽
放工行過見到呢間火鍋店有個「忘不了海鮮火鍋套餐」，俾個名吸引左停低望下，$298一個人有龍蝦同5款海鮮，重有50幾款野食任點任食，豆漿竹蔗水任飲，唔洗收加一添！不過醬料小食收$15，但都少過加一個數。於是約左fiancé放工過黎試下佢有幾忘不了😂😂一去安排我地坐四人卡位，好闊落。waiter問我地要咩湯底，幫我地落左先，同埋落埋海鮮拼盤同8樣無得任點既炸魚皮、響鈴、3款餃同3款丸既拼盤。揀左印度椰子雞湯，個湯一黎到就已聞到好香既椰子味，原來個雞係另上，要自己淆湯🤣可能佢地唔想煲定啲雞搞到鞋晒。個湯好甜超正！湯本身落左竹笙，索晒啲湯勁入味！嘩！！海鮮拼盤陣容好勁！！望到都覺得好正！未食影相都影到好興奮！有龍蝦、鮑魚、蜆、蝦、帶子同蚌。龍蝦🦞、鮑魚同帶子好鮮甜我地怕蚌唔熟搞到overcooked左好晒野添😭蜆有啲失望，因為有沙。蝦就普普通通。個8款野到左！嘩！擺得好靚，個排場真係無得輸！好精緻咁放係啲樓梯度🤣🤣墨丸入面有少少鵝肝，唔好鵝乾既我地都覺得幾好食，墨丸夠彈牙。蝦丸未淥已經見到成粒都係蝦，又係好彈牙！芝士牛丸一咬爆芝士，辣親個咀🤭好濃芝士味，牛丸亦都好彈牙。響鈴同炸魚皮都好脆，淥兩
嘩！！海鮮拼盤陣容好勁！！望到都覺得好正！未食影相都影到好興奮！有龍蝦、鮑魚、蜆、蝦、帶子同蚌。
龍蝦🦞、鮑魚同帶子好鮮甜
我地怕蚌唔熟搞到overcooked左好晒野添😭蜆有啲失望，因為有沙。蝦就普普通通。個8款野到左！嘩！擺得好靚，個排場真係無得輸！好精緻咁放係啲樓梯度🤣🤣墨丸入面有少少鵝肝，唔好鵝乾既我地都覺得幾好食，墨丸夠彈牙。蝦丸未淥已經見到成粒都係蝦，又係好彈牙！芝士牛丸一咬爆芝士，辣親個咀🤭好濃芝士味，牛丸亦都好彈牙。響鈴同炸魚皮都好脆，淥兩秒即食，唔係太耐就淋bad bad。水餃似雲吞多啲，不過都好多蝦勁彈牙。瑤柱韮菜餃有啲瑤柱食落無咁單調，不過略鹹。蟹肉黑松露餃就無黑松露味，食落似蟹粉小籠包味，水餃既外表，小籠包既味道😂好得意！
安格斯牛頸脊勁淋，牛味幾濃，好食！任叫個啲野食叫左啲平時少啲食到既野：萵筍、淮山、脆肉鯇魚腩、竹笙（開頭唔知湯底有埋，不過唔嫌多因為索湯超正！encore左一次添呀）、花膠、冬瓜同凍豆腐。凍豆腐係繼竹笙最索湯🤣萵筍好嫩無渣。准山好粉。花膠大大舊不過係好似平日粟米魚肚羹啲魚肚咁。
脆肉鯇魚腩有啲鞋唔知係咪又淥得太耐。
食完呢round我地再叫多一啲野，encore左竹笙同萵筍，再叫左滑牛肉、金菇、芝心丸同薑汁皮蛋貢丸。
薑汁皮蛋貢丸未見過，就試下，出奇地幾好食，似酸薑皮蛋味，食完咁多野，食返啲酸味既野無咁漏。芝心丸我就唔太鍾意外層，但入面芝心就好味。我比較鍾意外面橙色一點點個隻芝心丸。
野飲有三款：豆漿、竹蔗茅根水同杞子圓肉菊花蜜。全部都唔算好甜，特別菊蜜最低糖。一jar jar自己去雪櫃拎，非常好！影左五十幾張相，有啲野食post唔到，下面呢jar係菊蜜。
整體都係抵食，可以再encore！下次想試佢粥底火鍋🤣🤤🤤🤤服務都好好，佢地keep住幫我地倒左個兜啲垃圾，又主動幫我地加湯，好細心！
張貼
