渝薌烤魚

營業中

休息中

上星期一班朋友飯聚，歡天喜地搵左間位於九龍城 衙前塱道 的 渝薌烤魚，去到門口，大大個招牌閃閃下非常搶眼，門口見到都幾多人在內，以為會有餐好食！打開餐牌，大部份東西都好似湘菜的前菜，叫了很多種類，包括口水雞、魚皮、青瓜、雞絲粉皮、八爪魚仔、燒茄子等，還有幾款我食完都忘記了食過什麼，因為每碟份量都好少，每人都只得一、兩舊，味道實在普通到不得了。口水雞：骨多過肉，味道不夠濃魚皮 ：無味道，每人得一小快青瓜 ：普通雞絲粉皮：一般食店都好過佢八爪魚仔：就好似食白灼八爪魚點wasabi燒茄子：睇落好食，食落無味最後當然有食招牌菜燒鯇魚，其實都係噱頭野，食之經驗話我知，通常好食就唔使搞花神，搞花神就因為佢唔夠好食，果然又一次中，有d似泰式燒魚 x水煮魚的混合體，無味無道，無野講。食完第一轉想再叫野食，因為實在好似無食過野，但睇晒個餐牌實在無野好叫，最後一致決定去隔離街食泰國菜，咁大個仔都係第一次要食兩餐晚飯，一次過、無下次。