香湘辣妹 (已結業)

尋找周杰倫的女孩－香湘辣妹相信有睇過尋找周杰倫既朋友，都對套戲有種特別的感覺。今次來到香湘辣妹就令我找回這種感覺⋯⋯七裡香-金牌蒜香骨本身唔係好明點解叫七裡香，食落去就明,原來佢用咗幾種唔同嘅香料，無錯應該有香茅，胡椒嗰啲，當然唔少得有炸蒜蓉粒係面，啲排骨好正，好香口，唔會炸到硬鬼曬。建議食之前淋多啲蒜蓉粒，口感仲正！ 可愛女人-紅豆牛奶酥食完啲主菜，都飽飽地。但係我相信唔只女人，係所有人對甜品都有第二個胃。雖然炸嘢係要襯熱食，不過依樣甜品真係要等一陣先食，因為入面啲餡真係好熱。食落去，超脆！有牛奶味，啲餡夠滑，但紅豆就唔係好夠，一嚿得幾粒。整體啲嘢食都幾好味，湘菜初體驗，正呀！