翠苑甜品專家 (北角道)

營業中

休息中

北角從前有三條龍，王記糖水、十三座牛雜、雞蛋仔，永遠大排長龍，如今糖水、牛雜早已執笠，剩下雞蛋仔單打獨鬥。今日來到王記糖手舊址，已經轉手為翠苑甜品專家，除老闆外仍然係王記原班人馬，真係「人事依舊，景色全非」中式糖水價錢總比新式甜品便宜，小店選擇都多，但黎到翠苑當然要叫招牌芝麻糊（$18）芝麻糊（$18）食芝麻糊從來只可以食生磨的，嗰啲開粉的根本唔係嗰回事，翠苑的芝麻糊用炒香後嘅黑芝麻磨成糊，會呈啡黑色，而坊間用粉沖的卻是偏灰黑，仔細睇一眼就睇得出。芝麻糊味道濃郁，質感夠杰身但口感依然滑溜，做到「掛碗」，可稱為一碗靚糊！用一碗靚糊憑弔逝去的王記糖水，相信王記糖水泉下有知都會倍感安慰。