Peko Peko Eatery (康怡廣場北座) (已結業)

今日太古城食lunch，呢間餐廳格局似係貴夾唔飽，點知我睇錯咗，兩個小食加一個前菜嘅set lunch原來都幾豐富幾飽。我哋兩個人share食，兩個都揀咗set A平啲嗰隻，即係可以揀四個小食，我哋揀咗巴馬爾火腿拌蜜瓜蜜桃沙律、日式紫芋薯餅、煙燻三文魚凱撒沙律同埋和風蛋卷，四樣小食嘅味道都唔錯，特別係兩款沙律，新鮮好味道。主菜我哋分別揀咗法式燴牛面頰同埋炭烤雞扒，個牛面頰啲肉好腍，炭烤雞扒就唔係好炭烤，不過其實兩個主菜嘅味道都OK，配埋忌廉粟米湯同埋鰹魚湯烏冬，豐富。