The Point (已結業)

Farewell將要離開香港既朋友，主角揀左登龍街既The Point，一直以為佢係輕食，原來都有幾多野食，望住個menu，多到唔知揀咩好～最終揀左個Caesar, pizza, carbonara, 炸蕃薯條同棒棒雞，小食炸蕃薯條真心推介，因為香港有得食炸蕃薯條既地方唔多，其實炸蕃薯條係好食過炸薯條好多，甜甜地，又脆脆地，配埋個香辣沙律醬，無得頂！至於另一個小食捧捧雞都唔錯，不過要點埋個汁先無甘dry。主菜carbonara & pizza，講真都幾普通，carbonara份量唔算多，個汁就重身左少少，同埋唔夠芝士香味；至於個roman pizza，Parma ham唔夠油香，無乜味，不過d無花果就加番分，因為好甜，無諗過無花果加係pizza到都ok。呢到都係小食吸引過主菜，如果下次下午茶時間經過，叫個小食加杯咖啡都應該幾悠閒～