影片
更多
2017-01-04
2109 瀏覽
食晚飯之前個肚有小小空虛，於是去左VCity間峰壽司食番幾件壽司做下午茶。4點幾都要等位真係估唔到。坐迴轉檯最開心唔係係你面前轉十幾廿個圈都無人擰既壽司，而係order完食物，自動送上門既新幹線列車。蔥粒吞拿魚 $28 紫菜爽脆無變腍，冰凍既吞拿魚蓉份量都幾多，不過都幾凍下，敏感牙齒即刻發作。火炙三文魚 $18 輕輕火炙過既三文魚都算幾大塊，切片檸檬上面落左d鹽，搽落三文魚上面，多份咸味同檸檬清香，就算唔點豉油都幾好食。峰池魚 $22 近排鐘意食池魚，池魚刺身都算有光澤，魚油質感都唔錯，雖然唔係話好新鮮，食落都唔差既。蝦天婦羅壽司 $24 炸蝦大條但係唔肥仔，炸漿唔算厚而且都幾脆口，至少無個份油溢味，蝦肉都幾彈牙，呢碟算係唔錯。蔥粒吞拿魚細卷 $24 飯多過餡，而且d餡分得唔平均, 有卷d吞拿魚蓉少到幾乎見唔到咁濟，加上紫菜腍左，呢款卷物真係好一般。長腳蟹碎卷 $24 賣相甩頭甩尾咁真係麻麻，面頭d長腳蟹肉碎到不能再碎，飯卷入面有青瓜、蟹柳同生菜，用料一般，不過味道都算唔錯既。火炙帶子 $36 帶子都幾大粒，不過同新鮮仲有d距離。火炙既程度唔重手，同樣加左檸檬同鹽，算係交到功課。峰玉子
4點幾都要等位真係估唔到。坐迴轉檯最開心唔係係你面前轉十幾廿個圈都無人擰既壽司，而係order完食物，自動送上門既新幹線列車。
蔥粒吞拿魚 $28 紫菜爽脆無變腍，冰凍既吞拿魚蓉份量都幾多，不過都幾凍下，敏感牙齒即刻發作。
火炙三文魚 $18 輕輕火炙過既三文魚都算幾大塊，切片檸檬上面落左d鹽，搽落三文魚上面，多份咸味同檸檬清香，就算唔點豉油都幾好食。
峰池魚 $22 近排鐘意食池魚，池魚刺身都算有光澤，魚油質感都唔錯，雖然唔係話好新鮮，食落都唔差既。
蝦天婦羅壽司 $24 炸蝦大條但係唔肥仔，炸漿唔算厚而且都幾脆口，至少無個份油溢味，蝦肉都幾彈牙，呢碟算係唔錯。
蔥粒吞拿魚細卷 $24 飯多過餡，而且d餡分得唔平均, 有卷d吞拿魚蓉少到幾乎見唔到咁濟，加上紫菜腍左，呢款卷物真係好一般。
長腳蟹碎卷 $24 賣相甩頭甩尾咁真係麻麻，面頭d長腳蟹肉碎到不能再碎，飯卷入面有青瓜、蟹柳同生菜，用料一般，不過味道都算唔錯既。
火炙帶子 $36 帶子都幾大粒，不過同新鮮仲有d距離。火炙既程度唔重手，同樣加左檸檬同鹽，算係交到功課。
峰玉子 $14 次次黎都會叫玉子壽司，因為呢款係做得最好食，玉子黎到時仲熱熱地，蛋香味算係咁，而且都幾厚身，$14兩件算抵食。
講真峰壽司唔算係好好食，質素又唔係十分好，分分行遠小小係屯市個間元X仲好食過佢，不過係VCity入面既日式餐廳，佢絕對以價錢取勝。
張貼
