南方 (已結業)

行過見到開左間新野，見門口$40幾蚊加$4有珍珠奶茶，就好期待入左去試，點知一肚氣出返黎！入到去先發現「6點後所有套餐加$3」，咁都算，我叫既係菜遠豬軟骨飯，加配茉香珍珠奶茶，已經成$50。一黎到，個飯既「菜遠」原來只係加條菜，食落先知唔對路，我要既$41菜遠豬軟骨飯，原來佢寫左我做肉躁飯，加埋野飲變左$50。豬軟骨如圖所見不吸引、不入味，只有3/4舊。茉香珍珠奶茶叫左少甜，成大陣藥水味，飲到底啲珍珠仲未煮開，一大舊痴埋。比起其他荃灣既平靚正野食，$50食到好多高質野，呢度既食物同飲品兩樣加埋絕對唔值，仲要自助出去拎餐。唯一一讚既係收銀伯伯好有禮貌，唔該前多謝後，但絕對不會再有下次。