板前壽司 (已結業)

同朋友未食中午飯，肚餓到震，5點幾入去食壽司。入到去坐正係班師傅門前，越坐越唔對路。第一﹕佢地無帶口罩，一邊整壽司一邊高談闊論。第二﹕我面前有位師傅切緊魚片，而佢隔離位哥哥仔係度噴緊消毒水落返板度，咁o的魚咪俾o的消毒水污染左囉??!!第三﹕有位師傅拎出一個裝滿魚生既盒出黎，放在剛切完魚既板上，轉頭未清潔好塊板又在上面切魚!!!我地隔離有對夫婦，見到咁，食左兩碟就走左喇~做飲食行業最緊要係清潔衛生，仲要佢地賣既食物係魚生為主，想起都覺得嘔心~希望Ricky San見到作出改善~