影片
更多
2018-10-16
374 瀏覽
對上一次到訪已經接近一年前，事實上都係覺得普普通通，但我地喺呢頭食完飯，好想食甜野；但又唔想去某啲糖水店難為自己。唯有近近地行過黎。平日夜晚都仲係人頭湧湧，有啲人食糖水，有啲人食主餐。幸好我地係兩人，無需等位，不過鋪面真係太窄，我地身型太大份，坐靠牆位置，真係逼到冇朋友甜品依然係芋圓、仙草、西米露、剉冰及兩款甜湯，價錢唔貴，附近選擇太少，即使唔係特別出色，都再黎就係咁解，加上份量真係幾大。總匯QQ圓 $25除左芋圓、地瓜圓，仲有丸子、珍珠、桂圓、杞子、紅棗、雪耳，老實講以呢個價錢就真係幾抵食嘅，味道還好，算係幾滋潤。招牌綜合剉冰 $30唔知係咪太耐冇黎，上枱時我覺得份量好似大左咁，啲冰成座山仔咁，兩個人好勉強都食唔哂 (可能晚餐太豐富)。芋圓、地瓜圓各十幾粒，仲有珍珠、紅豆、薏米、紅腰豆、丸子、西米露。圓嘅味道比之前食算係明顯左，地瓜圓偏甜，口感實淨有噍頭，彈性欠奉。丸子煙韌；珍珠依然癡埋一舊。剉冰粗粒，不過天氣熱溶得快，所以唔洗狂剉。奶量多，偏甜一點，溶下溶下咁食，都唔算膩。
總匯QQ圓 $25
除左芋圓、地瓜圓，仲有丸子、珍珠、桂圓、杞子、紅棗、雪耳，老實講以呢個價錢就真係幾抵食嘅，味道還好，算係幾滋潤。
招牌綜合剉冰 $30唔知係咪太耐冇黎，上枱時我覺得份量好似大左咁，啲冰成座山仔咁，兩個人好勉強都食唔哂 (可能晚餐太豐富)。芋圓、地瓜圓各十幾粒，仲有珍珠、紅豆、薏米、紅腰豆、丸子、西米露。圓嘅味道比之前食算係明顯左，地瓜圓偏甜，口感實淨有噍頭，彈性欠奉。丸子煙韌；珍珠依然癡埋一舊。剉冰粗粒，不過天氣熱溶得快，所以唔洗狂剉。奶量多，偏甜一點，溶下溶下咁食，都唔算膩。
張貼
