雞翼山 (T.O.P This is Our Place)

營業中

休息中

前排出去工作，經過旺角TOP 附近，試咗新餐廳好想分享下~ 呢間餐廳位於旺角TOP商場地鋪，面對彌敦道，位置方便。門口有大大個發光招牌，寫住店名「雞翼山」，非常易認~ 店內仲設有自助點餐機，又係方便易用~我試咗兩款口味雞翼＋1款飲品，店內都有其他人落左單，但等左唔使10分鐘，我嘅食物就整好啦~ 由於我係外賣出去同朋友一齊食， 店員好細心咁幫我打包好兩份雞翼同飲品，仲有環保袋幫我入好，易拎又可以保持食物／飲品溫度，呢個位好值得加分！🌸文青玫瑰雞翼呢個係店鋪推介食品，加上個人中意食甜雞翼，所以決定點佢！首先，兩款雞翼份量比預期多，而玫瑰雞翼嘅甜度適中，玫瑰花瓣並唔係只作裝飾，反而玫瑰味比想像中香濃~ 雞肉嫩滑多汁，甚至好味過好多港式韓國餐廳嘅炸雞！真心欣賞餐廳炸得好好食～～～🌸避風塘蒜香雞翼 朋友就比較中意食辣野，所以呢款避風塘口味就唔晒佢！蒜香味濃厚，雞肉同樣入口酥軟，微辣但又唔會係好誇張嗰種，無論係喜歡辣/想試少少辣的人，都值得一試～🌸凍頂烏龍果茶（蜜桃|檸檬）食熱氣野當然要配凍飲。呢杯蜜桃檸檬烏龍茶甜度同冰量都適中，非常適合我的口味，而且好有解渴作用，我唔經唔覺就飲晒，無辦法同朋友分