影片
更多
2011-12-21
107 瀏覽
由於已經接近聖誕,各大有名又旺場的餐廳都很早爆滿,像我等只一星期前預約而有想有餐豐富吃的, 有時都會覺得”搵食艱難”, 在吃了兩個謝絕預約的電話後,第三個電話打來這裡終於成功了一個booking, 她雖不是”正選”但一向有留意這間餐廳的評語,由幾唔得人歡心至現在減少了負面評語, 改變始終是正面的, 回說這個Semi- Buffet, 先來一個溫暖的法飽, 飽的質素相當之高, 飽皮脆脆如片片雪片, 內部組織鬆軟之餘帶一點點嚼勁, 一枱送上一整個, 一點不吝嗇, 冷盤的確豐富, 沙律菜每一種都是在最佳狀態, 綠色的,赤色的, 鬼佬芽菜也如是, 尤其是個白蘑菇, 菇味濃郁之餘絕對乾身, 不過將白蘑菇作為沙律菜吃的人客不多, 沙律汁醬雖然只是大路的四至五種同樣調味得宜沒有太酸,太咸或者太甜, 杰度亦是正確, 對於吃草一族來說,已經很對辨了,所以後來食完主菜都再去攞多一碟沙律食才罷手,三文魚似乎是這裡的主打, 如果不吃三文魚的人來這用膳應該會幾失望下, 這裡有幾款不同香料醃製的三文魚, 當然傳統煙燻的亦有, 還有三文魚魚生啦, 每款都各有特色,每款吃兩件都占去胃裏空間不少呢, 百蘭地鵝肝醬又是另
回說這個Semi- Buffet, 先來一個溫暖的法飽, 飽的質素相當之高, 飽皮脆脆如片片雪片, 內部組織鬆軟之餘帶一點點嚼勁, 一枱送上一整個, 一點不吝嗇,
冷盤的確豐富, 沙律菜每一種都是在最佳狀態, 綠色的,赤色的, 鬼佬芽菜也如是, 尤其是個白蘑菇, 菇味濃郁之餘絕對乾身, 不過將白蘑菇作為沙律菜吃的人客不多, 沙律汁醬雖然只是大路的四至五種同樣調味得宜沒有太酸,太咸或者太甜, 杰度亦是正確, 對於吃草一族來說,已經很對辨了,
所以後來食完主菜都再去攞多一碟沙律食才罷手,
三文魚似乎是這裡的主打, 如果不吃三文魚的人來這用膳應該會幾失望下, 這裡有幾款不同香料醃製的三文魚, 當然傳統煙燻的亦有, 還有三文魚魚生啦, 每款都各有特色,每款吃兩件都占去胃裏空間不少呢,
百蘭地鵝肝醬又是另一款幾吸引人的美食, 又攞一片搽兩片法飽, 戰鬥力又被消耗了一部份, 又見有四款芝士咁又試兩味啦同時間又攞件積及餅拌住食啦,則
蠔有三款- FR / NZ / USA 三款如果以好味程度排名將會是NZ / USA / FR因為法國蠔細隻之餘重要紙咁簿,幾好味都感覺唔強啦, 法國蠔唯一感受到嘅係嗰粒帶子肉,起碼有點咬口, 而NZ則尺碼剛好, 蠔肉爽口, 無論就咁落檸檬汁, 加些少醋又或者COCKTEL SAUCE都咁襯佢, 天生麗質嘛
壽司可以說是這裡最弱的一環,因為壽司本來就不是這樣吃的嘛, 唔明白點解香港的自助餐老是要將珍珠米風乾給客人品嚐, 其實橫豎不受歡迎的話何不乾脆省掉,免得浪費食物
熟蝦全都試過了, 除了淡水龍蝦較出色之外,其餘兩款只是浪費胃納, 翡翠螺普普通通, 可吃可不吃,
還有三款小碟裝住的小食: 羊奶焗蕃茄,幾有羊騷味唔係人人可以接受, 南瓜乜乜, 幾重南瓜味good!另一個是芒果蝦咯嗲,芒果不夠甜,蝦肉沒有鮮味,面加上日式海藻絲只是普通, 不太特出,
冷盤的腸,火腿類都有五,六款但只有空間試了個類似巴馬火腿片的物體, 幾咸香下,但自己少食那些名貴的洋人火腿唔懂分辨高/低!
主菜方面:自己要咗羊鞍, 一碟兩件, 兩支骨修整得很工整, 羊鞍面那層筋膜同肥羔修整得剩下約10%, 看得出是刻意留下的,讓好些好肥的客人享用, 說實在的把那一丁點兒肥羔連同肉放入咀裏, 才感受到羊兒那股”騷味”,只吃那鞍肉時是只有肉味, 上天做万物往往就是這樣巧妙,有肉就會有羔, 完全將羔清除後只剩下一堆纖維帶些血腥味, 肉亦是我要求的四至五成熟, 完全沒有怎樣醃過的原味,原原本本的表演出來, 另一個值得”讚”的是伴扒底下- 小小的青荳,唔係雪藏貨,似是新鮮荳夾裏拆下來的, 清烚青荳仁的甘甜同那微微粉狀的質地,好此道者,無以上之本人正是, 太座則對荳類極之沒有興趣所以絕不會爭食”荳荳”而同碟的另一配菜- 簿薯片夾炒洋蔥絲亦做到恰到好處,可能有人會嫌它有焦色, 但亦因為有焦色才有焦香, 十分之喜歡這種雖然不是用什麼高價材料但仍然願意用時間/心機去將食材盡量發揮出原有的個性, 沒有硬生生將香蕉變蘋果那種魔術師式的賣弄手法,
太座要了煎封鱈魚扒, 汁方面配了一個打咗泡泡嘅汁, 魚肉方面稍為粗咗少少,唔知道廚師係刻意安排定一時大意, 件魚扒塊皮向了底, 被個汁浸住又點會有脆皮效果呢?如果是刻意安排就有點不明所以,如果是一時大意又會係一個幾大嘅失誤, 件魚扒亦都份量十足, 由於幾厚身下看上去視覺效果甚佳, 配菜的煮波菜葉同阿拉伯小米,太座無投訴重食晒添咁即係OK啦
甜品是二選一的, 即是一人要一款咁咪兩款都試晒囉,
芒果慕士蛋糕- 唔知點鮮個邊搞咗個好鬼魅嘅綠色條子花紋上去,我只諗到係甘筍蛋糕面通常咪有一粒粒甘筍形裝飾上的綠葉色, 喺呢種傳統法式蛋糕邊走出嚟幾唔襯下喎, 件蛋糕就好正常嘅,咖啡亦夠濃香
雜果配云呢拿雪糕/沙巴翁汁- 呢個味道較一般, 可能做一個香檳杯上的甜品會更吸引人喎, 起碼個賣相靚d
服務方面: 有些女孩似是返兼職的, 連基本的收碟功夫也未懂, 同酒樓阿姐一樣,左手攞住幾隻收咗嘅碟重要走來枱邊用右手攞埋呢枱隻碟,還要升高隻碟在人客面前經過, 屬管理層嘅疏忽囉, 不過這樣的待應生不多,
還有今次用了這酒店的貴賓咭有85折, 算係抵食啦, 其實很多銀行的白金咭在這裡用都是85折的,
題外話/補充資料：
那天居然撞見三色台阿陳總也來了, 他果然是吃素的.
(以上食評乃用戶個人意見 , 並不代表OpenRice之觀點。)
張貼
