影片
更多
2019-04-12
256 瀏覽
中午公司拉大隊到大平伙食飯，平日不算嗜辣亦不常食四川菜，今日卻一改我對四川菜嘅印象 – 辣其實可以很有深度很有層次。同事早已點齊菜式，我乖乖等食同時打量一下餐廳環境。柔和燈光加上牆上的畫作，優雅之餘很有藝術感。未食正餐先來兩份小食，泡椒鵪鶉蛋香入口唔覺辣但後勁好強，越咬越香！冷菜3款各有風味：涼拌萵筍絲切得幼細，加上麻油涼伴非常爽口；店員介紹口水雞以新鮮雞去骨烹調，所以肉質嫩滑不霉身，醬料辣中帶微甜，好惹味。食開連鎖米線舖嘅蒜泥白肉，一望呢碟只覺得擺得好精緻！蒜泥味道較濃，白肉卷上青瓜甘香又不油膩。辣子雞個樣夠哂震撼，成碟都係紅卜卜嘅辣椒！食落出乎預料地唔算好辣，因為辣椒香口而非死辣，雞粒同腰果都炸得脆身，呢味真係會食唔停口！ 餐廳好有心思用彩椒令顏色偏暗嘅元蹄生色不少，用筷子輕輕一切已經可以分開骨肉，特製調料夠哂惹味，元蹄肉非常入味亦絲毫唔覺乾身。大家一定要試埋豬皮，好軟滑但完全唔肥膩。 水煮桂花魚嫩滑無骨，花椒香氣撲鼻，唔小心咬左一粒花椒成個口痺哂！食完大魚大肉，仲有味干煸四季豆，四季豆清甜無渣，加入肉碎同辣椒爆炒，菜式越家常真係越顯師傅功夫，好味道！食飽飽再睇番餐廳介紹，原來大平
同事早已點齊菜式，我乖乖等食同時打量一下餐廳環境。柔和燈光加上牆上的畫作，優雅之餘很有藝術感。
未食正餐先來兩份小食，泡椒鵪鶉蛋香入口唔覺辣但後勁好強，越咬越香！
冷菜3款各有風味：涼拌萵筍絲切得幼細，加上麻油涼伴非常爽口；店員介紹口水雞以新鮮雞去骨烹調，所以肉質嫩滑不霉身，醬料辣中帶微甜，好惹味。
食開連鎖米線舖嘅蒜泥白肉，一望呢碟只覺得擺得好精緻！蒜泥味道較濃，白肉卷上青瓜甘香又不油膩。
辣子雞個樣夠哂震撼，成碟都係紅卜卜嘅辣椒！食落出乎預料地唔算好辣，因為辣椒香口而非死辣，雞粒同腰果都炸得脆身，呢味真係會食唔停口！
餐廳好有心思用彩椒令顏色偏暗嘅元蹄生色不少，用筷子輕輕一切已經可以分開骨肉，特製調料夠哂惹味，元蹄肉非常入味亦絲毫唔覺乾身。
大家一定要試埋豬皮，好軟滑但完全唔肥膩。
水煮桂花魚嫩滑無骨，花椒香氣撲鼻，唔小心咬左一粒花椒成個口痺哂！
食完大魚大肉，仲有味干煸四季豆，四季豆清甜無渣，加入肉碎同辣椒爆炒，菜式越家常真係越顯師傅功夫，好味道！
食飽飽再睇番餐廳介紹，原來大平伙係由著名畫家王亥與歌唱家太太王小瓊創立，志在與一眾好友分享王太太烹調的地道四川菜，可以話係香港第一家私房菜館。店內除左有王亥先生嘅作品，更擺放不少藝術品，連我地坐住嘅餐椅都係藝術創作！
今餐食得滿足，更加有大開眼界嘅感覺。雖然由前菜到主食都以辣為主調，但卻辣的各有風味，不愧為香港的四川菜老字號！
張貼
