櫻花日本料理 (已結業)

呢間日本野係朋友介紹 佢話個魚生飯好正 咁啱今日係附近做完野 所以就試下啦佢既環境好舒服 我地安排坐卡位 卡位與卡位之間隔住左個屏風 而且其他枱之間唔會太密 我地兩個lunch set係包埋麵豉湯同蒸蛋 個蒸蛋好重雞湯味而且好滑〰️雜錦角切魚生丼〰️呢個係lunch set之一 我朋友就係推介我食呢個丼 呢知魚生飯有吞拿魚腩 金來鯛 深海池魚 海膽 三文魚子 呢d粒粒晚魚生真係鋪滿左成個飯面 食既每一啖飯都有魚生粒粒架 而且魚生粒粒配搭得好好 有肥美有清淡 唔會太膩〰️鐵板午時套餐 大蝦帶子 美國薄燒/牛柳100gm〰️本來我哋坐卡位嘅但係因為豬豬男朋友要呢個所以侍應安排我哋改坐鐵板燒枱 首先廚司整既第一樣就係蝦同帶子 煎得剛剛熟所以好爽口彈牙 而且仲個蝦頭勁多膏 第二樣就係呢個牛肉片 佢將蔥花捲左入中間 其實我係唔食蔥既 但係食落又唔覺得有蔥味 反而豐富左個口味 食到軟淋淋既牛肉之後再感覺到‘索索’既蔥花 好特別最後就係個炒飯同埋炒什菜 廚師知道我地share 食所以將佢一分為二 最後就係揀餐飲或甜品時間 我地一個揀左雪糕一個揀左咖啡 雖然係餐飲 但係杯咖啡都好有水準 個朱古力雪糕味道好濃