義達食堂 光記點心

營業中

休息中

今日經開紅磡就走咗去呢間光記點心試一試佢手勢，其實之前已經買過一兩次叉燒包外賣都唔錯，所以今日就想坐低試吓佢其他點心，我哋叫咗叉燒腸粉、蒸鳳爪、叉燒包、山竹牛肉球，總共四款點心由於今日係農曆新年，所以每樣點心都要加多一蚊，相對來講我覺得都係屬於平。首先講吓個蒸腸粉我覺得佢個皮做得非常之好彈牙，只係個叉燒饀比較肥同個淡味，而個义燒包同埋個牛肉球都做得好出色至於個鳳爪就視乎個人喜好，如果你鍾意有咬口嘅就不錯，但我個人比較鍾意食淋身嘅鳳爪，不過個味道是豉汁蒸鳳爪味。兩個人都係106 元，喺今時今日嘅香港來講真係超值，仲有一樣值得讚嘅係店內嘅侍應個個都態度非常之親切。