愛家愛便當 (已結業)

同朋友到觀塘午膳，揀咗呢間素食餐廳。雖然主菜餐牌滿一頁，但實際每日只製作3款，其中2款屬$50午市套餐，跟湯/飲品，另可加配小食、前菜及甜品。柚子蘿蔔卜：淡淡柚子味，清新，蘿蔔爽脆醬冬菇：細隻、厚身、滑溜，甜醬油味金平牛蒡：份量較大的前菜，味道同一般餐廳的質素相若雙色花：是日前菜；清炒西蘭花和椰菜花，唔花巧，冇特別燻鴨：老闆極力推介的是日前菜；豆製品，較濃味、飽肚枝豆：小食，普通紫薯花生草餅：外皮煙靭，甜度適中，花生饀係敗筆，局部饀料已結塊，口感偏硬，唔軟糯炒麵：外賣，份量可以，配料少整體而言，餐廳環境唔錯，雖位處工廈，冇窗冇景，但簡約佈置下可算「窗明几淨」。餐廳有部分檯係茶几款，唔方便進食。老闆友善，主動講解食物選項及餐牌，但餐廳無主動提供水，而值得一讚係湯/飲品可免費添加。食物係家常菜，烹調難度低，屬自家可以喺短時間完成的款式，性價比唔高。餐點的吸引之處在於前菜款多、食物較健康、適合心多人士，可樣樣試啲，然而，食物份量唔多，埋單唔平。