影片
更多
2010-04-18
165 瀏覽
又新街個分店開左咁耐我就幫襯咁耐 ,以前返學果陣差唔多日日都去買左蛋糕返學食 ,放假既日子 , 阿媽都鐘意去買定D麵包係屋企..但畢左業之後都冇咩點幫襯 , 係我老豆每星期都有活動 一次過要買五六個麵包先去買..唔幫襯個原因都係佢價錢唔經唔覺加左 , 都唔緊要 , 但個價錢可以係聖安娜或者其他麵包店買個好少少囉 , 最多都係貴五毫到一蚊..我自己有整蛋糕就知 , 佢個芝士"蛋糕" 真係就咁打完D芝士再倒模就算既感覺囉..我唔知而家仲係咪啦 , 定我要求過份左啦..就連我阿媽都認為而家冇咁抵 , 價錢上調但品質冇上調過..以前價錢平就話唔洗同大公司果D水準一樣啫 , 但而家價錢差唔多 , 品質差一大個碼就唔抵幫襯..琴日又幫我老豆去買麵包 , 咁我老豆指定要晒果隻麵包但又唔夠貨 , 我都同個員工甲要左先啦..打比老豆之際我就比錢 , 有個員工B 收左我錢 , 咁我咪拎返自己袋麵包繼續睇囉..之後要多几個第二D野麵包 , 員工甲收我錢啦 , 就計埋我本身果袋既錢..我呆一呆 , 但好正常咁同佢講我比左錢..佢就大叫佢冇收過我錢 , 對眼瞪到冇得再大..痴Ｘ線 , 開頭我都冇咁火既語氣講多次
以前返學果陣差唔多日日都去買左蛋糕返學食 ,
放假既日子 , 阿媽都鐘意去買定D麵包係屋企..
但畢左業之後都冇咩點幫襯 , 係我老豆每星期都有活動 一次過要買五六個麵包先去買..
唔幫襯個原因都係佢價錢唔經唔覺加左 , 都唔緊要 , 但個價錢可以係聖安娜或者其他麵包店買個好少少囉 , 最多都係貴五毫到一蚊..
我自己有整蛋糕就知 , 佢個芝士"蛋糕" 真係就咁打完D芝士再倒模就算既感覺囉..
我唔知而家仲係咪啦 , 定我要求過份左啦..
就連我阿媽都認為而家冇咁抵 , 價錢上調但品質冇上調過..
以前價錢平就話唔洗同大公司果D水準一樣啫 , 但而家價錢差唔多 , 品質差一大個碼就唔抵幫襯..
琴日又幫我老豆去買麵包 , 咁我老豆指定要晒果隻麵包但又唔夠貨 , 我都同個員工甲要左先啦..
打比老豆之際我就比錢 , 有個員工B 收左我錢 , 咁我咪拎返自己袋麵包繼續睇囉..
之後要多几個第二D野麵包 , 員工甲收我錢啦 , 就計埋我本身果袋既錢..
我呆一呆 , 但好正常咁同佢講我比左錢..
佢就大叫佢冇收過我錢 , 對眼瞪到冇得再大..
痴Ｘ線 , 開頭我都冇咁火既語氣講多次我比左錢 , 佢就發晒癲咁話我掛住講電話以為自己比左 , 老實講 講電話 , 仲要一個咁簡短既電話 同比錢就兩樣野 , 冇抵觸 , 事實上佢掛住傾計都冇睇到佢同事收我錢..
佢地果D人 交叉咁行 , 一時見到呢個一時見到果個 , 我遞左錢上去比人收左 , 正路都懶理你自己既內部運作.. 話唔定你地做野係咁亂 , 呢個夾麵包果個收錢呢..
仲有佢係收錯我錢.. 我就以為同以前一樣 , 過左好似五點之後買麵包係平D啦 , 佢就鬧我有乜可能收少我既錢..
跟住就係度爭論啦 , 仲下下指住我黎鬧..
嘈左成個字 , 另外收左我錢條友先認收左我錢 , 條員工甲仲繼續嘈繼續鬧話佢冇收過我錢..
但我由頭到尾都只係話我比左錢 , 冇話過係佢收..
正路收左我錢果句都唔係睇住我地嘈成個字先出聲啦..
我仲要話比左張膠十蚊紙出黎 , 膠十蚊相對其他貨幣講真唔係成日都有 , 佢就話佢果度咁多膠十蚊我憑乜話係我.. 但佢同事SHOW左係得一張膠十蚊囉 , 我都冇必要同佢賭係有冇膠十蚊丫..
發瘟 , 首先第一樣野都唔係指住個各黎鬧啦下嘛? 幫襯你仲要受你氣 , 冇病下嘛..
我都做過SALES , 都知道第一樣就唔可以鬧個客啦 , 同人嘈同鬧人係兩樣野囉..
有問題有誤會就應該第一時間問左邊個收左我錢先啦 , 唔係第一時間咬定我冇比錢囉 , 一把年紀唔係要個細既教識佢做野下嘛..
果兩個麵包九蚊 , 仲要係賣淨尾 , 如果唔係幫襯開我都唔會買D個價錢可以係CIRCLE K 買到一樣又有衛生保証既麵包啦..
冇錯 , 冇D 野都係OKAY 平過出面 , 但有D 咁既員工我一定唔會幫襯又新街呢間..
元朗廣場附近果間一定唔洗受呢D氣囉..
張貼