影片
更多
2017-04-04
76 瀏覽
同朋友去開新蒲崗，係Mikiki商場發現到Gelare，見menu啲野好似好好味價錢又ok，我地就決定試下啦～餐廳唔係好大，咁啱我地入去果陣有位，唔洗等。值得一提係服務好好！我地食食下野，有個6人家庭入左黎，但當時得隔離張四人枱同遠處有張2人枱，佢地要分開坐。店員見到我地果邊有位可以移過少少，幫我地移，之後再移張2人枱俾佢地一齊坐，好貼心👍🏻講返野食先～Aussie Breakfast HK$68佢有5款All Day Breakfast可以揀，價錢由HK$38-88都有，都好抵食。我地就揀左Aussie~份量好足，味道都唔錯。值得一讚係啲煙肉，唔會煎到硬「掘掘」又唔會好油，啱啱好！BBQ Combo HK$78有ribs, 雞翼，薯角同少少沙律。ribs好入味、雞翼皮脆肉嫩，薯角好薯（講緊廢話🤣）總之好味又抵食啦～煙三文魚牛油果醬焗薯+沙律 HK$78牛油果煙三文魚醬好好味😋如果加埋芝士就更加正啦～ 水果沙律有青蘋果紅蘋果菠蘿同埋提子乾，一啲都唔hea👍🏻 我平時係好少食沙律醬嘅，但呢個又唔係好油膩，我覺得唔錯喎!最後食甜品--窩夫加兩球雪糕 窩夫本身已經有cream同糖漿，加埋雪糕
餐廳唔係好大，咁啱我地入去果陣有位，唔洗等。值得一提係服務好好！我地食食下野，有個6人家庭入左黎，但當時得隔離張四人枱同遠處有張2人枱，佢地要分開坐。店員見到我地果邊有位可以移過少少，幫我地移，之後再移張2人枱俾佢地一齊坐，好貼心👍🏻
講返野食先～
Aussie Breakfast HK$68
佢有5款All Day Breakfast可以揀，價錢由HK$38-88都有，都好抵食。我地就揀左Aussie~
份量好足，味道都唔錯。值得一讚係啲煙肉，唔會煎到硬「掘掘」又唔會好油，啱啱好！
BBQ Combo HK$78有ribs, 雞翼，薯角同少少沙律。ribs好入味、雞翼皮脆肉嫩，薯角好薯（講緊廢話🤣）總之好味又抵食啦～
煙三文魚牛油果醬焗薯+沙律 HK$78牛油果煙三文魚醬好好味😋如果加埋芝士就更加正啦～ 水果沙律有青蘋果紅蘋果菠蘿同埋提子乾，一啲都唔hea👍🏻 我平時係好少食沙律醬嘅，但呢個又唔係好油膩，我覺得唔錯喎!
最後食甜品--窩夫加兩球雪糕 窩夫本身已經有cream同糖漿，加埋雪糕仲正！有八款雪糕揀，我地揀左cookie & cream同牙買加朱古叻味。好足料，啖啖都有曲奇粒粒；朱古叻味入面有啲nuts都好味～
原來新蒲崗都有好野食，又多個行街食野嘅好去處啦😄
張貼
