老點點心竹筒飯 (已結業)

因為有兩個鐘頭既時間可以hea下，行過見呢間點心店咁得意，二話不說就入左黎。老實講，價錢係偏貴少少，每樣點心都係偏細Size，但係每件點心都已經over $10，諗諗下其實唔係幾抵，但係講真，而家食飯好多時已經唔係睇份量、價錢。講下呢個「吾係老點小漢堡」先，整到咁細既漢堡真心第一次見，而且份量細，但味道絕對唔輸過出面既漢堡包店，食落有咬口，而且肉唔係乾身，D醬都幾多。之後係「香草蝦春卷」，香草味幾濃，配搭又幾正，最值得食既係D蝦仲係爽口彈牙架！仲有「戚風班蘭馬拉糕」，記得我第一次食班蘭係去左新加玻食佢果隻班蘭蛋糕，因為班蘭果陣味成日都會留係個口好耐，我個人覺得好鍾意，所以係香港見到都會點，而今次亦都係我第一次食熱辣辣既班蘭「馬拉糕」，口感鬆軟，而且班蘭味都濃，確實唔錯。而隔離既「蝦膠玉子豆腐」都唔錯，但可能俾班蘭馬拉糕Cum哂陣味，果陣確實唔係特別搶眼。去到最後，我地叫左兩個小甜品，分別係「一口忌廉焦糖蛋」、「荷蘭唂咕小慕絲」，兩客甜品都正常，但唔會太偏甜，食落唔太膩，不過最令我有記憶係佢既份量真係好細細細細細最後我地埋單total$116（係FB打卡可以扣左茗茶每人$6）而建議大家係