品蓮素食 (已結業)

今日落開嚟深水埗，見到依間素食餐廳係新開嘅，決定去試吓。鋪面唔算大，應該只可以坐到 40-50人，六點幾去到，有大約十個人到。叫咗兩碟飯，唔算好大碟，但以三十幾四十蚊嚟講絕對合理，跟例湯。味道偏向清淡，對於我嚟講絕對適合。始終新開，運作上有啲問題，不過大家都係樂意去服務啲客，只不過係未熟手。雖然唔喺大街，不過西九行過去都唔駛十分鐘，要搵素食店嘅，其實唔算遠，有時真係方圓半個鐘都冇啱心水。食物冇落蒜，亦見到有佛像同觀音，所以我估計應該係齋菜嚟。埋單找數先發現新張期九折，亦免加一，所以兩碟飯只係 $70，真係好抵。下次我落開深水埗嘅我會再幫襯。