沙嗲王 (卓明大廈)

營業中

休息中

沙嗲王都係由細食到大，本來都已經不會再感到任何驚喜。今晚一行三人，只想隨意吃，想坐得舒服之餘食物又有番少少特色，於是揀左沙嗲王。呢間係新開既店，去到適逢有妖怪手錶做主題，佈置幾有氣氛(雖然我根本唔知咩叫妖怪手錶)。餐牌迎合主題，多左的睇落幾靚既野食。除此之外，主餐牌都係舊酒新瓶，同其他沙嗲王差唔多。但係款式好似少左少少。無左的炒硯、青咖哩之類既野食。招牌菜就仍然健在。我地點左白咖哩豬扒飯，芒果蟹肉炒飯，芝士年糕同芝心餅。白咖喱豬扒飯一如既往，好香既香茅味，用黎配白飯一流。芒果蟹肉炒飯加左價，要70蚊。不過蟹肉多左好多，夾埋其他配料，同飯既比例變左一比一咁，啖啖飯都係料多過飯。對我呢的餸王黎講係幾滿足既。芝士年糕，未知係口味轉左定佢真係好味左，以前食幾啖就覺得佢好鹹好(漏)，原因係白汁好多。今日再食，白汁無咁多，而的芝士又香左，覺得佢又ok喎芝心餅係第一次試，個餅有拳頭咁大。賣相很好，食落麻麻。鋪面既紫菜其實就無乜味，而且不算炸得好，有的油同似係翻炸。整體芝士唔算多，不過夠煙韌。但係價錢就點高，1個要19蚊。整體而言，價錢同味道成正比，都是穩步上揚。屬於頹得黎又叫見得下人既選擇。