迎‧潮 (已結業)

呢日係親戚嘅60 歲大壽，咁大件事，梗係要成個family一齊慶祝下啦，主人家都揾埋D親戚朋友一齊食，場面都幾震撼開之席前有麻雀局，岩晒長輩們一齊聚下過下手癮～我都好想打不過邊夠D長輩黎呀入席後有得任飲汽水同埋啤酒。酒樓環境唔錯。當晚我地係包廳，夾埋有6席。呢餐個菜單都好豐富，樣樣都係貴野完全係豪氣嘅表現：富貴大紅袍碧綠蚌片桂花蚌百花釀蟹鉗玉環瑤柱脯竹笙海皇翅鮑魚菇扣玉掌清蒸珍珠躉當紅脆皮雞飄香荷葉飯壽桃冰花燉雪燕因為咁多長輩係度，我就唔方便係咁攞部手機出黎係咁影相啦，廢事咁失禮。當中我最鐘意食嘅就係當紅脆皮雞。其實咁多種肉之中我最鐘意嘅就係雞。而呢隻脆皮雞外脆內軟，又好入味，果然貴野都真係有好野鮑魚菇扣玉掌，鮑魚菇口感彈牙可口又鮮味，搞到食完仲好想再食，可惜數量唔多，唯有停手飄香荷葉飯，個人幾鐘意食荷葉飯，但因為佢永遠都係後期先會上枱，前面D餸太豐富，大家已經會食飽晒，所以通常剩返好多，今次都唔例外。今次個荷葉飯都高質，味道幾香，清清地唔會太油。外賣走都唔錯～今餐菜式味道好，包廳都安排得舒適，雖然價錢都幾貴不過係特別日子，都值得嘅。