Mak Mak (已結業)

星期五晚食飯，因為落雨，所以揀間喺商場入面既餐廳。呢間泰國菜喺 Landmark，價錢又唔貴，就試試~雖然地方唔大，但都幾舒服。兩個人試左3樣野，先係前菜 THOD MAN POO。蟹肉比蝦肉多，都幾鮮味，配酸甜汁好開胃，但就唔係好彈牙。之後試左GAENG PHED PED YANG，紅咖喱偏甜，一啲都唔辣。鴨肉有啲老，肉質麻麻地。個人就唔鍾意😅仲試埋PHAD SEE EAW (Pork)，即係濕炒豬肉河，調味做得好，好惹味。係用正宗泰式河粉，一塊塊既，好薄好滑，炒得好好，不過豬肉既肉質就有少少柴。整體黎講，中環 Landmark 呢嗰價位，算係唔錯既選擇。