張三

營業中

休息中

來過這間小店兩次，坐得幾舒服，都唔會話有大冷氣長期吹住個頭。坐位算是闊落，夜晚靜靜地，用餐時間亦唔限時，感覺幾閒適。聽聞這家餐廳是由張家一家三口打理的，所以叫張三。老闆娘服務態度都不錯，誠懇有笑容唔會黑口黑面。今次點嘅係dinner set芝士番茄天使麵，跟沙律，一杯嘢飲同tiramisu。食物好快就整好，沙律感覺清新，不過不失；麵條散發炒香嘅香氣，軟硬度剛剛好，份量都幾大份，加上番茄十分開胃。熱飲要咗熱阿華田，沖得比好多茶餐廳好飲（誤） 👍 Tiramisu正常質素，餅底幾脆。食唔哂打包咗天使麵。全部總共一百四十幾蚊，唔收加一服務費，整體感覺都唔錯。