明愛餐廳

營業中

休息中

在這裡食野有D似去左某中學的飯堂，因為都幾多學生幫襯。呢度由明愛的學生打理，服務幾好，有禮貌又週到，加上全部戴上口罩，感覺好衛生，值得一讚。叫了焗豬扒菜飯鴛鴦汁，夠份量，但汁幾多，要撥開先見到飯。味道都唔差，35蚊連一杯熱飲又有咁好招呼是不能苛求。都估呢度D咖啡同茶都唔多掂，所以索性叫杯熱檸茶好過。見佢有個特色甜品是蛋白焗椰皇，只賣10蚊，又叫來一試，真係成個椰皇上檯，味道都唔錯，抵食。不過由中環行上來有行山feel，秋涼天時就無所謂，天氣熱就唔好搞。