日牛涮涮鍋專門店 (已結業)

有第二位半價優惠，原價$188每位另收加一，折扣後埋單每位平均$160包加一。不過結賬時，樓面男職員堅持只接受實體信用卡簽賬，而不可使用ApplePay (Visa)非接觸式感應付款。當我向他指出，經常在該分店使用ApplePay (包括Visa及銀聯)，他稱問過另外幾位樓面同事，都指不能使用。直至我要在電話找出相關交易記錄，他才得悉自己和他口中的其他樓面同事全部搞錯，終於恩准我使用ApplePay。由始至終，他連一句自己搞錯、唔好意思等帶有歉意的說話都冇講過，只靜悄悄拿出信用卡機到我枱前完成付款交易。我認為在疫情下明明可以選擇用非接觸式感應付款，硬要我用實體卡增加接觸感染風險，做法極不合理。再者，既然我已經在該分店多次使用ApplePay，該男職先堅持自己的誤解，繼而指責我記憶有誤，顯見他的服務態度差劣，甚至係公司欠缺培訓。最後，入座時限為90分鐘，但該男職員在我入座後82分鐘已經要求*立即*離座，而且距離關門時間仍有半小時，此做法絕不合理。其實我已多次到該分店用膳，當中有午市又有晚市，今次應該係最差劣的一次體驗。