Hungry Korean (D2 Place) (已結業)

今日同老婆去咗荔枝角行街，行行吓肚餓，所以去咗Hungry Korean食下午茶，平靚正之選。我哋叫咗魷魚壽司$42同辣年糕$42，都算抵食。哩間Hungry Korean比起其他分店大間同寬敞，坐得都舒服唔會迫。魷魚壽司都幾足料，裡面有蛋、泡菜、魷魚等，點上韓式辣醬更惹味，食得韓國嘢就一定係濃味。辣年糕都唔錯，略嫌年糕煮耐咗，比較軟身同無咗煙韌嘅口感，但好在醬汁搭夠。個醬汁真係好惹味，甜甜微辣好濃郁，好想打包返去夜晚撈飯食。