泉記 (已結業)

午飯時間辦完私事後，走到這間食店外，便進內試試。見餐牌有雙丸伊麵，問阿姐餐牌上的雙丸伊麵($27)可否轉撈麵，阿姐話可以，於是落單。不久，雙丸撈麵到，份量比較少，心想不食太飽也算吧，點知食物不只冇睇頭，味道也令人失望，魚蛋墨魚丸無味又不彈牙。吃完後找數時，阿姐話要收$33，於是我問她不是餐牌寫$27。她大大聲瞪大雙眼回答，撈麵和伊麵都要加錢，我問她為何剛才落單時沒有說要加錢，她沒有禮貌地回答所有撈麵都係貴些，似要大聲過你以免你再問下去。我也懶得與她理論，收得人$33一碗麵咁食物質素加咁態度，咪使旨意我再幫襯你!