北海道爐端燒 (已結業)

之前聽過朋友推介呢間日式餐廳，野食唔錯之餘，仲有塌塌米可以坐添，可惜當日去到已經俾人坐咗，所以唯有坐其他位置啦，但係四人座位都幾逼夾，郁後少少張櫈，後面嘅人就會無位坐，所以為己為人，唔好諗住坐闊落啲餐牌第一頁係期間限定嘅食物喇，竟然俾我見到有蟹蓋蟹肉味噌燒，毫不猶豫就要咗四客，一人一件，唔洗爭~ 我地揀咗係自己枱上燒，職員就拎咗一個小爐過黎，放係枱面俾我地燒，如果太懶唔想郁，都可以餐廳燒完先上。蟹蓋上面載住蟹膏醬、蟹肉、蔥同一隻鵪鶉蛋，燒時要將材料攪勻，職員都有提點我地唔洗燒太耐，所以一陣就食得喇~~ 如果呢個時候有碗珍珠米就至啱喇，因為蟹味噌(姐係蟹膏醬)味道濃郁，亦都偏咸，送飯一家好好食，而且蟹味香濃，真係不錯~之後就叫咗個海膽刺身，因為價錢都幾平，一百蚊都唔洗，有諗過會唔會好伏，上枱嘅時候，見到竟然係一板上嫁，真係喜出望外!! 橙黃細小嘅海膽，一睇就知係馬糞海膽，獨有嘅腥味較濃，用紫草包住，再加一小撮芥辣，味道更加鮮呢度有得食呢個白子，雖然唔係平時嘅刺身，而係牛油醬油烤鱈白子，但係有得食就緊係要嗌番個黎食下，口感同食刺身係完全唔同，刺身係好Creamy嘅口感，而呢個係微微彈牙，朋