影片
更多
2016-01-22
2005 瀏覽
今日Vi繼續去食好野, 今次見到帝都酒店做緊任點任食龍蝦鮑魚晚餐, 好似幾正咁, 同埋openrice又有8折coupon, 所以就book左半時段試下~之前食過2+2 cafe既buffet, 今次第一次黎呢間City Art Restaurant, 呢度環境令好多, 幾有情調~同埋今餐係半自助晚餐, 一入餐廳已經見到有一排甜品bar, 仲有好多款海鮮, 連生蠔都係任食, 仲有waffle機同埋哈根大師雪糕 而主菜就係menu任點任食既, 聽店員講呢度每幾個月就轉theme, 今期做緊龍蝦鮑魚主題, 睇到menu既主菜好多都好吸引 貪心Vi同朋友差唔多住部都試哂, 先講下d海鮮, 生蠔有3款, 即叫即開, 幾新鮮有淡淡海水味, 唔錯, 而長腳蟹都幾甜, 青口同螺就不過不失~之後出左去拎cold cut同salad, 選擇都唔少, Vi特別喜歡parma ham同smoked salmon~而自助bar最特別係有3款即做既頭盤, 分別係蟹肉沙律, 龍蝦沙律, 同生牛肉片, 呢3款係一份份咁叫師傅整既, 3款沙律都好味道, 特別係蟹肉沙律, 加左芒果好正 Order左既野食好快就黎
同埋今餐係半自助晚餐, 一入餐廳已經見到有一排甜品bar, 仲有好多款海鮮, 連生蠔都係任食, 仲有waffle機同埋哈根大師雪糕
而主菜就係menu任點任食既, 聽店員講呢度每幾個月就轉theme, 今期做緊龍蝦鮑魚主題, 睇到menu既主菜好多都好吸引
貪心Vi同朋友差唔多住部都試哂, 先講下d海鮮, 生蠔有3款, 即叫即開, 幾新鮮有淡淡海水味, 唔錯, 而長腳蟹都幾甜, 青口同螺就不過不失~
之後出左去拎cold cut同salad, 選擇都唔少, Vi特別喜歡parma ham同smoked salmon~
而自助bar最特別係有3款即做既頭盤, 分別係蟹肉沙律, 龍蝦沙律, 同生牛肉片, 呢3款係一份份咁叫師傅整既, 3款沙律都好味道, 特別係蟹肉沙律, 加左芒果好正
Order左既野食好快就黎la!!先講下d扒類, 有帶子拼牛柳同安格斯肉眼扒, Vi好中意個帶子拼牛柳,牛柳熟度岩岩好, 好嫩, 而帶子亦係半熟, 而安格斯肉眼扒就熟過頭, 不過肉味就濃郁d~
其他main course都好吸引, 有龍蝦蟹餅, 羊架, 燴牛膝, 煎銀鱈魚, 煎海鱸魚, 慢煮鮑魚, 連燒乳鴿都有, 好多款, 而且樣樣都係得2啖, 可以試哂都ok~ 每款水準都唔錯, 羊架好香好好味, 而煎銀鱈魚同煎海鱸魚都好嫩滑, 幾正, 而Vi就最中意龍蝦蟹餅, 外皮脆脆地, 裡面有好多蟹肉同龍蝦肉, 好味~ 值得一提每款野食都伴左薯蓉, 個薯蓉好香好滑, 係好食既, 但食太多會好飽, 所以Vi同朋友食淨左好多薯蓉X_X
食完主菜仲有好多款麵同飯類, 岩哂一定要食澱粉質既朋友, 試左意大利芝士心型雲吞配蟹肉, 松露帶子忌廉闊條麵, 鮑魚天使麵, 同龍蝦鮑魚意大利飯, 澱粉類份量雖然都係細細碟, 但都有幾多麵, Vi特別推介龍蝦鮑魚意大利飯, 意大利飯好煙un好creamy, 而且好足料, 其他澱粉類味道都唔錯, 同埋真係落足龍蝦同鮑魚~
試哂menu既野食其實已經好飽, 但都係要食埋甜品既甜品最特別係有得自己整waffle!!有得玩有得食, 仲有哈根大師雪糕任食, 好正!! 而其他甜品就普普通通, 以mousse cake為主~
整體呢餐食得好開心, 有buffet之餘又可以跟menu order, 而且野食係即叫即做, 上枱夠哂熱, 比一般buffet感覺更high class, 而且差唔多款款主菜都有龍蝦鮑魚, 又有蟹肉, 中意食海鮮既朋友應該會中意
張貼
