影片
更多
2017-11-12
329 瀏覽
香港人一向愛吃日本菜，睇下壽司店開到成行成市就知，而任點任食嘅自助餐，就更加係港人至愛。上個月重陽節假期，同兩隻小鬼去咗食火鍋放題，見這個周末秋高氣爽，提議不如早點起身，先去行山，然後再一家人去食日式放題，補充體力。選了位於中環威靈頓街 Somptueux Central 2 樓嘅「大吉居酒屋」，因早前瀏覽過網頁，得知餐廳星期六日及公眾假期，有午市放題供應，價錢大眾化，每位 $178+10%，已經包啤酒汽水任飲，而且由 12:15pm 食到 3pm，可以食足接近三個鐘，感覺划算，所以決定試下。入座後先翻開夾滿放題紙的厚皮簿逐一細看，共有十三張，由 A 至 J 排列，以不同顏色劃分，分別有刺身、壽司、火炙壽司、卷物軍艦、沙律、珍味、燒物、和食、天婦羅、炸物及主食等。至於飲品和甜品方面，就要自行去凍櫃拿取。平日吃放題，會先由刺身開始，不過今次就揀咗沙律、是日餐湯同兩款凍盤小食做前菜，有帕爾瑪火腿沙律、味噌湯、味付螺肉、芝麻八爪魚。幾款之中，最愛就是螺肉和八爪魚，前者入口帶嚼勁，爽滑味美；而後者八爪魚，水準亦不俗，彈牙爽口，加上芝麻，味道夾配。吃過前菜，接著就輪到刺身，店裡嘅刺身共有 12
選了位於中環威靈頓街 Somptueux Central 2 樓嘅「大吉居酒屋」，因早前瀏覽過網頁，得知餐廳星期六日及公眾假期，有午市放題供應，價錢大眾化，每位 $178+10%，已經包啤酒汽水任飲，而且由 12:15pm 食到 3pm，可以食足接近三個鐘，感覺划算，所以決定試下。
入座後先翻開夾滿放題紙的厚皮簿逐一細看，共有十三張，由 A 至 J 排列，以不同顏色劃分，分別有刺身、壽司、火炙壽司、卷物軍艦、沙律、珍味、燒物、和食、天婦羅、炸物及主食等。至於飲品和甜品方面，就要自行去凍櫃拿取。
平日吃放題，會先由刺身開始，不過今次就揀咗沙律、是日餐湯同兩款凍盤小食做前菜，有帕爾瑪火腿沙律、味噌湯、味付螺肉、芝麻八爪魚。幾款之中，最愛就是螺肉和八爪魚，前者入口帶嚼勁，爽滑味美；而後者八爪魚，水準亦不俗，彈牙爽口，加上芝麻，味道夾配。
吃過前菜，接著就輪到刺身，店裡嘅刺身共有 12 款，包括挪威三文魚、深海吞拿、加拿大鱈場蟹腳、北寄貝、甘海老、鮮赤貝、帶子、希靈魚、鮑片、日本空運油甘魚、泰式虎蝦及極大赤蝦。幾款刺身當中，以肉色橙紅的三文魚最鮮味，而且切得夠曬厚身，肥美油潤。另外深海吞拿，水準都唔錯，肉質緊緻，滿口油香；赤蝦大大隻，食落鮮甜爽彈；而帶子亦口感腍滑，令人回味。
壽司方面，點了雙重火炙芝士特大帝王蟹捧壽司、火炙三文魚壽司、火炙鰻魚壽司。幾款壽司，表現都不俗，尤其是特大帝王蟹捧壽司，面頭蟹籽堆到成座山咁高，下得非常重手，勁慷慨，賣相吸引，而下面嘅蟹捧就啖啖肉，入口鮮甜，配上中間嘅沙律醬和半溶芝士，鹹香惹味。
跟住輪到吃燒物，放題紙上一共有 12 款燒物，仗著有兩隻小鬼在場，一口氣選了 8 款，當中包括有芥末籽醬燒牛肋肉、牛油燒翠玉瓜、蒜香雞軟骨串、芝士黃金焗蠔，鹽燒雞翼、燒有機菠蘿、鹽燒牛舌、燒味醂魚乾。牛肋肉彈牙香口，咬下不會過韌。翠玉瓜以竹籤串起，表面燒至微焦，而且保留了蔬菜水份，所以食落好 Juicy。焗蠔上面鋪咗層芝士，吃下口感軟滑，除了有蠔的鮮味，也被芝士的煙韌迷倒。有機菠蘿鮮甜多汁；燒味醂魚乾，食落香口之餘又不至於太乾身，用來佐酒就最啱 Key。
和食方面，選項亦不遑多讓，一共有 13 款，不過由於已吃得半飽，加上想留肚吃炸物，所以只揀咗 6 樣試下。有馬拉盞炒椰菜、露筍惹味燴鮑魚、牛油煎珍寶帶子、御品鮑汁燴花膠、鐵板雪花牛柳粒、龍蝦瑤柱粥。露筍燴鮑魚最正，鮑魚雖然略為的骰，但咬下煙韌彈牙，配埋爽口嘅露筍，極富嚼感。帶子 Size 頗大，肉亦夠厚，用牛油煎香，入口惹味。
鮑汁燴花膠以燉盅上，用料絕對唔吝嗇，除了雞腳同花菇外，入面仲有小唐菜和矜貴的花膠，花膠腍滑，入口一點也不腥，十分入味。龍蝦瑤柱粥以鍋上，粥較一般杰身，內裡混入了大量瑤柱和粟米粒，不過最令人驚喜嘅，還是伴吃的開邊小龍蝦，雖然細細隻，但肉質鮮甜。
天婦羅同炸物同碟盛上，天婦羅揀咗虎蝦、松葉蟹鉗、日本蕃薯仔；而炸物就點了芝麻雞翼、紫芋波波。天婦羅蝦即叫即炸，入口鬆脆。松葉蟹鉗炸後內仍汁豐，口感薄脆不膩。雞翼外皮加上白芝麻，新鮮炸起，食落皮脆肉嫩，相當可口。
甜品方面，選擇都唔少，有木糠布丁、北海道 3.6 牛乳布甸、焦糖燉蛋、楊枝金露、泡芙、乳酪、豆腐花、Tiramisu；另外雪糕櫃入面亦有雪條、雪米糍等供應，揀了數款一起分享，一家人都吃得挺愜意。其實快樂很簡單，行下山，食下放題，天南地北又一天。
張貼
