大吉居酒屋 (已結業)

今日生日正日。太太說平日多於銅鑼灣、尖沙咀覓食，今晚去中上環一帶找一些特別的。香港日本菜餐廳多如繁星，質素差距很大，但能立足於中環地段的大抵都有一定的功夫，所以對晚餐還是有期待的。初到餐廳，裝潢不錯，是典型的日本風格，我特別喜愛座位旁邊大大小小的和服木偶。座位不多，但碰巧是平日下班時段，在中環區用晚膳的人本就不多，所以不見得特別擠擁。太太下班都有點累，不太想細看餐牌的項目和網上的資料，反正我有三文魚就好了。便隨意選了其中一個二人餐。就看餐廳如何安排食物吧。溫泉蛋蟹肉沙律。五點刺身。魚肉新鮮，肥美豐腴，油香滿溢，唯二人餐的分量剛好二人份各一件。倘若再次光臨，可單點刺身為主食，更為滿足。蒲燒鰻魚。天婦羅盛合。太太對此讚不絕口，“虎蝦！”。確實，以虎蝦這食材作天婦羅的餐廳非常少。魚湯野菜烏冬。整個套餐最後一道菜。魚湯非常濃郁。日本雪糕（紅豆味）。太太不太喜歡帶"沙”的食物，例如紅豆沙、薏米蓉，所以造就了我吃了差不多兩球美味的雪糕。

今日約咗朋友係中環食飯，點知佢要OT到好夜，結果自己一個人去咗食😣 係中環居然俾我揾到間居酒屋，簡約既日式設計令我一個人黎食都唔會覺得好 odd ，坐得好舒服😌角切刺身沙律好 fresh，份量十足有三文魚，油甘魚同吞拿魚，好開胃😋牛筋牛舌炆得好淋好入味，牛筋唔會有平時一坨野既感覺好有口感👍🏻 赤味噌味道香濃，如果有飯配就正😂 應該可以食到2碗雖然一個人黎食，但係都冇阻止到我叫軟殼蟹牛油果卷☺️ 軟殼蟹保持脆身，配埋牛油果又唔會覺得好油膩，一個人食一條完全無問題😂 係中環黎講呢個價錢呢個水準唔錯👍🏻 下次一定要同多幾個 fd 黎試多幾款壽司🍣

復活節假期完結，辦公桌上推滿文件🙀幸好 happy Friday 很快又來到了。下班後約了三五知己到大吉居酒屋慰勞一下自己。餐牌上驚喜發現赤味噌煑牛筋牛舌$118,曾在高知車站旁的餐廳吃過這道菜😋，鰻魚芝士玉子燒$118,三文魚加州卷$148, 燒宮崎豚肉腸$58, 軟殻蟹沙律🥗$88 ；豚肉腸皮脆肉甜美。肥瘦適中。最驚喜是可以品嚐倒赤味噌煑牛筋牛舌，牛筋和牛舌腍軟浸在濃濃的味噌汁，在高知吃過的味道一樣回味無窮oishi 😋。厚厚的暖暖蛋包著鰻魚塊，控制啱啱好，好滑溜，最鐘意食玉子燒，千萬唔可以錯過。炸得香脆的軟殼蟹夾著柚子醋沙律菜，減卻油膩的感覺。一頓豐盛晚餐，忘掉了這幾天煩忙的工作。真好🥰🥰+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

今天早上在中環開會，順路到大吉居酒屋吃午餐， 餐廳風格以日式格調為主，這裏的午市定食大約$1XX至$2XX， 我點了北海道井 $248 （蒸蛋，味噌湯，漬物，沙律，前菜，甜品）和蒲燒鰻魚定食$158（跟白飯，味噌湯，沙律，蒸蛋，漬物，前菜，甜品）。 沙律～ 沙律菜很新鮮，好開胃。蒸蛋～ 蛋入口又滑又香， 食食下還發現有一隻大蝦。北海道井～ 真材實料好新鮮的刺身，入面有一大隻鮮甜多膏的牡丹蝦，帆立貝，三文魚，吞拿魚，魚子，油甘魚， 食得出每一款魚生都很新鮮，還有一碗熱辣辣的味噌湯，大滿足！蒲燒鰻魚定食～ 鰻魚口感肥美， 入口有即溶的感覺， 配蒲燒汁送飯真係好好味， 推介如果喜歡吃鰻魚的朋友，一定要來試下。最後還有甜品，好香芒果的味道， 不算太甜，好味！以前在中環返工的時候，與同事們間中都會到這裏吃午餐， 但因為轉了地點的關係已經很少來了， 今次再來吃午餐， 感覺水準依然保持得很好， 加上店員非常親切友善， 就是我經過中環都會再來幫襯的原因。

今日同朋友喺中環買咗啲嘢有啲肚餓 又想食日本野上網查一查發現呢度有間大吉記得好耐之前呢度係做放題店依家就變咗高級餐廳上到去 已經好好人咁將我哋兩個人帶入四人座坐得非常舒服我哋叫咗四樣野食～溫泉蛋蟹肉沙律 $88 佢係用凱撒沙律醬 加上溫泉蛋 蟹肉蟹子亦都夠多撈埋一齊食好正忌廉芝士大蝦天婦羅 $138估唔到幾有特色 忌廉芝士加大蝦 用紫菜包住一齊炸 加埋啲天婦羅汁食 特別嘅口感 幾好食!!!味噌煮牛筋牛舌 $118我朋友極喜歡食牛 所以就點左呢一個醬汁鹹鹹地 牛筋夠軟 牛舌有口感 好適合送飯一齊食吞拿魚魚茸蒜蓉多士 $148又係另一種fusion 菜 蒜蓉多士上面鋪上咗吞拿魚茸 幾特別 香口得來又有啲吞拿魚味 但係又幾好食喎侍應超級有禮 我哋食咗兩個鐘 我杯水係冇空過 不停同你加茶呢間餐廳食物質素好 招呼周到 環境舒適非常值得再來呢!走之時見到有午餐定食 睇嚟下次可以嚟食午餐

大學時代曾光顧的放題大吉屋，常常座無虛席，原來已經改為居酒屋，而且水準沒有褪減。猶記得以前生日會播生日歌，送蛋糕呢。轉型後更專注氣氛，擺盤及食物質素！我們點了個角切刺身沙律，粒粒角切刺身並沒有因此而不新鮮，刺身與蔬菜比例剛好，而沙律汁酸酸咪咪很開胃。再來燒芝士年糕，三粒年糕燒得微焦，切開煙煙韌韌，芝士味易入口，不會太膩，最怕吃了一粒年糕後飽飽滯滯。另外叫了一個大蝦天婦羅，天婦羅是地道日本居酒屋菜式，大吉的天婦羅做得很出色，炸粉厚度剛好，而且食材新鮮，就算經過高溫油炸都不會蓋過食材鮮味，三隻大蝦都又大又彈牙！最後慢工細貨的是軟殼蟹牛油果卷，牛油果薄切扇形平鋪在軟殻蟹卷上，巧刀工但入口即溶，而軟殻蟹新鮮炸起所以很脆！餐廳最後送上甜點櫻花雪糕及柚子雪糕，為炎炎夏日降降火，店家很貼心把雪糕杯及匙更雪冰，入咀要很小心！酸酸甜甜為晚餐畫上完美句號。

記得好一輪之前搵放題既時候見到大吉，呢日再睇發現原來已經轉左做居酒屋🏮既然係咁，決定上黎試下佢，同朋友叫左兩個午餐定食分黎食🤔全部都跟配上芝麻醬既沙律、入口滑身而且多料有冬菇同蝦既蒸蛋、味噌湯、漬物、前菜、雪到稍微硬實左啲藍莓芝士蛋糕甜品🙃▪️ 北海道丼（7/10）💲248 (Lunch Set)呢個丼既赤蝦爽滑，海膽無食到交左比朋友🤣其餘刺身全部都係打孖上，帶子頗為嫩滑鮮甜，三文魚籽有住陣陣鹹鮮，吞拿魚、三文魚、玉子等等就厚薄適中，味道不過不失🤗壽司飯帶有少少鹹，感覺上如果醋既比例多返啲會好啲🤤▪️ 火炙魚生丼（6.5/10）💲218 (Lunch Set)兩個丼既刺身出到黎有八成相似，呢個多左鰻魚同左口魚邊，鰻魚比較係薄身一口size，左口魚邊就唔錯入口即溶☺️其餘既帶子、三文魚等等相對地普通，好似火炙得勁左啲偏熟，會有些許乾柴既情況，魚油亦都唔夠豐富👉🏻👈🏻壽司飯會多左微微既火炙焦香味，不過呢個比另一個再重口味一點😬🔎 整體評分（7/10）

放足9日大假終於要面對返工既殘酷現實🥺😭加上慘慘又抽到返夜既地獄更😵可幸既係晏開工仲有時間嘆下Lunch Hea一陣🙇🏻‍♂️適逢早前有朋友介紹呢間質素不錯吃😋鍾情日本菜既小肥🤩👨🏻‍🍳🇯🇵趁未被打落地獄前⚡️😢還掂行開黎中環附近一於黎安慰下自己啦🥺😭🤤🇯🇵🍴位於中環Somptueux Central既大吉居酒屋🏮🇯🇵喺中環站D2出口經德己立街行過黎亦算方便😆前身為高級放題路線既料理餐廳👨🏻‍🍳🇯🇵現轉營為主打料理定食既居酒屋模式依然保持水準😋呢度環境以簡約為主既設計🙈周圍掛滿唔同日式風味既擺設同埋布簾😆如喺牆上掛滿著各款食材價目牌就更加地道啦☺️🇯🇵除左提供梳化櫈俾食客坐得舒服之外😆👨🏻‍🍳店員亦好熱心體貼地招待😆氣氛亦配搭高質素既日式料理😋🍴Lunch Set定食有包埋前菜沙律同麵豉湯☺茶碗蒸夠哂足料之餘🥚🤤滿滿配料配合蒸得滑嫩入味既蒸蛋亦係充滿口感😋麵豉湯充斥住滿滿既配料亦絕不馬虎☺️爆丼鰻魚飯每日限買20份既爆丼鰻魚飯🤤🐟夠哂厚肉爆多既鰻魚更顯足料名乎其實🤩🐟肉質嫩滑肥美之餘😋吸盡鰻魚精華既珍珠飯🤤🍚加入蛋絲口感亦令人大舉拇指🥚🤩👍🏻甜品是日甜品為藍莓芝士蛋糕🍰😋濃郁芝士中散發清甜既藍

在中環午飯時間，要搵食都不容易，周圍都人山人海。呢日lunch Time我哋揀咗去一間樓上鋪食日本菜，食物質素出奇地好，係我今年食過最好食嘅日本菜，以後我哋有多個飯堂啦！呢間餐廳在午飯時候全部供應lunch set，有$100內到$200樓上都有，我哋決定食好啲，就叫咗一個A4和牛肩肉同埋香煎銀雪魚嘅set。主菜上台俾埋麵豉湯同埋漬物，麵豉湯熱辣辣，好飲！A4牛肩肉用咗好多洋蔥炒，所以好夠味，啲肉切到薄薄的，肥瘦適中，入口即溶，真係好正！伴碟嘅薯蓉味道好清新，可以中和返牛的濃味。銀雪魚都非常好味，你睇個樣就知煎得幾靚，味道亦都非常可口，我未食過銀鱈魚係筷子一夾落去，只係輕輕掂到就即刻溶化，呢條銀雪魚做到呢種效果，可想而知有銀鱈魚來貨質素係幾咁高！

今日同朋友去咗試大吉居酒屋，餐廳嘅位置非常方便，近住蘭桂坊。和風裝修有令人置身日本的感覺😍我地2個女仔叫左5款小食：鰻魚玉子燒、燴牛筋牛舌、軟殼蟹沙律、燒魷魚、芝士年糕。炸軟殼蟹沙律係我最喜歡的。烤得剛剛好。唔會好厚粉， 好脆好有口感。點律菜亦新鮮清得乾淨!鰻魚玉子燒，係我第一次試。鰻魚好新鮮，而玉子燒都煮得岩岩好，唔會太乾身。牛筋牛舌個汁都好特別，牛筋軟腍，牛舌都好爽口。 原條魷魚時間燒得好好，食落彈牙惹味，唔會韌又唔會乾。芝士年糕外層有拉絲，內裡軟綿綿熱辣辣! 勁正🤗 芝士控必點!呢度個環境好舒服好正，好適合同朋友坐低傾吓計食下野。 下次都想來呢度試吓個午餐。

以前曾光顧過大吉居酒屋兩次，當時還是放題，現時搖身一變成為居酒屋後，就是第一次光顧了，好期待～🔸角切刺身沙律 $98沙律有不同種類的刺身，例如三文魚和吞拿魚等等，新鮮的刺身配搭著沙律菜，再加上濃濃的柚子汁，很開胃！我發覺我下次自己一個也可食完整碟沙律！因為實在太好味了🤣🔸赤味噌煮牛腩牛筋 $118煮法偏中式，醬汁醃得很甜，牛筋和牛腩都炆得很林，很易入口🔸吞拿魚蒜茸多士 $148未試過這樣的配搭，很有創意呢！ 每一口的吞拿魚，配上濃味的蒜蓉多士，沒想到會是這麼match!😍十分惹味！👍🏻🔸芒果天婦羅蝦卷物 $148咬入口時令我最驚喜的是上面塊芒果好甜，還要每一塊都是一樣這麼甜，入面有又足料的蝦肉，下次再來吃必點！😆😆👍🏻👍🏻🔸雜錦天婦羅 $168分別有大蝦天婦羅、蕃薯、冬菇和茄瓜等。是新鮮炸起的的，最有驚喜是天婦羅皮好薄好脆，裡面有極多蝦肉！非常滿足！食物質素高，環境亦好適合與朋友慢慢聊天，是個不錯的地方！😍😍

-今晚嘅中環遊🚶，係大館 + PMQ行完一輪， 行到攰梗係搵啲好吃啦。呢期成日見人post 去日本🎏嘅相，我地一於食日本🇯🇵嘢。呢間環境唔錯， 嗰feel 好似係日本居酒屋🍶咁。Menu 有多款選擇👍赤味噌煮🐮牛筋牛舌（$118）牛筋牛舌炆得好冧， 值得一讚牛舌毫無騷味。鰻魚🐟芝士🧀玉子🥚燒（$118）心機之作， 明顯咁睇得出雞蛋一層一層咁樣整成。燒日本芝士🧀年糕（$58）年糕好正！！流心年糕！！汁燒🐙魷魚筒（$98）軟殼蟹🦀沙律🥗（$88）邪惡嘅軟殼蟹 + 清新嘅沙律， 感覺冇咁熱氣。值得一讚：服務一流！！ 會經常為客人添加熱茶。 所以我個杯係常滿🍵㗎。==========大吉居酒屋地址：中環威靈頓街52-54號Somptueux Central 2樓

今日去左上環碼頭買定澳門船飛，就係中上環行逛，行到攰，六點幾就去左中環大吉食個晚飯，之前仲係放題既時候食過都唔錯。燒日本芝士年糕 $58，有三粒年糕，年糕面上有d 焦焦的，裡面超多芝士，不過就油左少少。三文魚加州卷 $148，裡面有我最愛的牛油果、蟹柳同青瓜，壽司面上有三文魚同蟹籽，都不錯！鰻魚芝士玉子燒 $118，蛋卷入面包住鰻魚都少少芝士，芝士味唔太濃，蛋味也不算太香，鰻魚有加上鰻魚汁。赤味噌煮牛筋牛舌 $118，青豆切開左少少見到一粒粒青豆，有心思得黎賣相又靚。牛筋好彈牙口感好，牛舌好淋，味道都好，仲有隻溏心蛋正。

難得happy Thursday，為左迎接黎緊連續三日既假期，我地特登book左間日式居酒屋食好西開心下呢間位於中環老蘭附近既樓上日本餐廳餐前身係日式放題，但已由放題轉型為居酒屋，食日式料理為主。我地好早就黎到，d人應該仲未收工所以冇咩人，約8點左右先坐滿人。我地叫左一個二人套餐($688)，食到撐住個肚走😂👍🏻日式溫泉蛋蟹肉沙律，好多蟹肉，撈埋個溫泉蛋做個sauce，令成碗沙律菜好juicy，十分開胃！剌身五點。十分鮮甜味美！天婦羅盛合，有三大隻虎蝦，蝦肉十分結實，證明好新鮮。另有冬菇、茄子、青椒、蕃薯等。份量十足！蒲燒鰻魚，魚肉好厚實。而且外皮燒得焦脆，十分香口，惟咸左少少，即刻同餐廳經理講左，佢好有禮貌地表示感謝意見同埋會同廚師反映番。魚湯野菜鳥冬。魚湯十分解甜，配上滿碗野菜大滿足！最後以日式雪糕作結，係好特別既櫻花楓糖口味雪糕，人生第一次食到呢個味道，好好味！👍🏻係中環番工既上班族平日黎食lunch以下時段有8折優惠，星期六日既lunch set亦有7折。餐廳既服務好好，所有員工都非常有禮，抵讚！今時今日咁好既服務態度真係好難得

中環 日式🇯🇵好精緻，坐得舒服，服務唔錯～🥚前菜蒸蛋好食，🐟魚生新鮮，🐖吉列豬就唔夠外脆內鬆，🐥炭燒雞唔錯，🍰甜品個cake好好食蛋糕好鬆又唔太甜～$1xx-$2xx set lunch