相撲手日式放題 (已結業)

本身好鐘意食日本天婦羅，但係講到放題的天婦羅，呢間好好食。炸天婦羅最重要係粉漿夠脆，無”益”味，入面材料夠新鮮，呢度無論炸蝦、南瓜、蕃薯…都咁好食，真係即叫即炸，好香口。前菜有煙燻三文魚沙律，煙燻三文魚好好味。一品料理有個櫻花蝦和牛炒飯，珍珠米炒到粒粒分明，D飯好入味，加埋D櫻花鮮香，好食到飛起。串物一定要食，韓味黑豚肉好好食，黑豚肉好有肉味。岩鹽燒三文魚火灸壽司好正，三魚好肥美，而且壽司飯實在結實，口感更佳。卷物愛上了蜜桃蝦卷，蜜桃香香甜甜同蝦鮮好夾。刺身馬刀貝同相樸手赤蝦(好大隻)好新鮮，鮮甜到極。重有日本來生蠔食添，來自邊度唔係好記得，但好生蠔好肥好有蠔味。韓式牛骨湯水冷麵好爽口，天熱食好味湯底好鮮。其實食左好鬼多野，又飲左好多野(CC、烏龍茶、LOTTE杧果…)我想一個人食足都值三佰幾，但係找數都係二佰幾，超值吧。