平昌 Premium (已結業)

今晚同朋友黎佐敦食韓式燒肉，呢間位於莊士倫敦廣場的平昌係一間頗受歡迎的韓式燒肉放題店，好難得終於今晚訂到位上黎食。我地今晚揀咗Luxury buffet 套餐，可以任食多款靚牛肉。豬皮，煙韌大塊，好夠膠質，容易燒得脆，油脂味香濃，𠯿落好彈牙。烤牛肋⻣肉，肉質嫩滑鮮甜，重牛肉味，有嚼勁。香辣豬大腸，爽口美味，辣辣地，醬汁惹味。雞翼，雞中翼肉質嫩滑，少少醃過，夠入味。五花腩，稍微偏瘦，食落唔肥膩，肉質結實。烤牛脷，新鮮嫩滑，咬落好爽脆，味道濃郁，切得夠薄，有口感。牛肉眼，好大塊，成塊牛扒咁，燒熟香味散發。醬油蝦，必試之選，味道鹹中帶甜，蝦肉彈牙爽口。鯖魚肉質鮮甜嫩滑，唔會腥，魚香味重。帶子同蜆，帶子肉質厚身嫩滑，蜆肉清甜。泡菜煎餅，唔辣，香脆惹味，入面係軟稔的泡菜餡等。