大鍋口海鮮火鍋店

營業中

休息中

今次再次嚟到佐敦食大窩口任食火鍋雞煲， 一開始就食雞煲，雞煲真係好鮮嫩，好惹味，隻雞係走地雞真係好鬼正，仲有啲洋蔥配料炒埋一齊好香，跟住就嚟戲肉食火鍋， 火鍋一開始送嗰碟肥牛真係好嫩滑，之後我哋亦都加咗美國肥牛都係好軟滑只係多一層口感，都係好靚，仲有另外嗌咗羊肉，小小蘇味，係啱我口味嘅， 仲有嗌咗一啲海鮮，吊桶，魷魚，海蝦，帆立貝，樣樣都好新鮮，仲有自家製墨魚滑，蝦滑，各類丸物，仲有好多唔同種類嘅菜和菇類，真係好多選擇，最後我哋仲食咗兩杯軟雪糕，朱古力和雲呢拿味，好滿足