大將 (已結業)

今日同朋友過開嚟旺角T.O.P.行街，就諗起可以去底層大將打邊爐。 餐廳有90分鐘／120分鐘可以選擇，我哋揀咗120分鐘可以慢慢食，今次點咗個澳洲和牛牛小排•嚴選和牛胸腹肉。最鍾意呢度係一人一鍋，大家都可以揀自己鍾意嘅湯底，朋友揀咗個人氣之選嘅花生沙嗲湯，我揀咗個雞白湯，店員話咁快已經送上。 店員首先送上澳洲和牛牛小排🐮、生蠔同鮑魚。啲牛肉嘅雪花紋都好靚，牛味濃郁，質素相當唔錯。 客人仲可以透過QR code落單，除咗牛之外，都仲有啲豬、牛、羊、海鮮可以選擇，有日本帶子、大八爪魚、沙白、蝦滑、水魷、花膠、大蟹棒、杭州黑魚片等。 出面自助吧有多種蔬菜、丸類🍡、炸物、拌菜可以自取。仲有關東煮添呀。 自製窩夫一定要試下🧇，不過我都整左2次先成功🙈佢個牌上面寫等90秒，我建議可以整耐少少，先整到外脆內軟嘅感覺，佢啲蛋漿好香，之後又可以加配料同雪糕添。雪糕有朱古力味、雲尼拿味，又或者兩溝都可以。 仲有部粒粒刨冰機可以玩下，整完好似棉棉冰咁一絲絲好幼細，又可以加啲toppings去調味，仲有啲珍珠同爆珠可以加埋落去，整一杯自己鍾意嘅刨冰😍 仲有啲手工小甜品，有Tiramisu 、泡芙、牛乳布甸。