二八火鍋 (已結業)

講真的，任食火鍋通常的材料都同散叫差好遠  (除咗蔬菜粉麵類啦)。 今次嚟到呢間火鍋店 ，本來打算散叫，點知睇佢餐單，任食每位只係HK$228， 仲要有多款食物選擇！最緊要係肉類同散叫嘅一模一樣，即刻唔諗咁多，決定搏一鋪 😂 火鍋湯底揀咗，椰子雞，感覺清淡滋潤，大人小朋友都好啱食🥥🐔 喺揀緊火鍋食材嘅同時，因為太肚餓嘅關係，就先揀咗幾款小食嚟試下， 椒鹽豆腐甚為驚喜，質素同小炒／酒樓食到嘅一樣，佐酒一流！ 火鍋一定要食牛肉！呢度任食都有三款牛揀， 我最喜歡嘅就係安格斯牛小排，呢個價錢有呢個質素，真係冇得挑剔。 飲品方面有自家製嘅 竹蔗水薏米水，另外有大量罐裝汽水，仲有雪花啤酒，加少少錢可以變做其他啤酒任飲。如果有無糖茶就更加好喇。