黃金廚房

營業中

休息中

估唔到深水埗都有咁好味嘅火鍋放題，蒸氣火鍋夠曬特色，唔會太熱氣，仲有粥底食添！佢包括咗日式刺身拼盤、海鮮拼盤(一次性)、粥底，然後仲有好多其他嘢都係任食嘅。🌊🐟🦐想特別一講就係個海鮮拼盤，活鮑魚夠曬大隻；美國桶蠔就算熟咗都仍然保持咁大隻唔會縮水，可見係真材實料；元貝有蒜蓉粉絲醃製過非常入味；活海蝦上碟嘅時候仲係識喐嘅，熟咗之後都仍然保持鮮味，個殼唔會散曬或者支竹籤甩咗。🐷跟住仲試咗佢嘅極品黑豚肉。放喺個蒸氣鍋度蒸熟佢別有一番風味，而啲肉亦都好入味。⭐最後粥底真係暖暖窩心，南瓜排骨粥，加埋海鮮、黑豚肉落去食，好有味道！