梨滿園韓國料理 (已結業)

心血來潮好想食炸雞，知道呢度有得食任食炸雞，一於嚟試吓！原來除咗任食炸雞，仲有其他任食嘅選擇不過都係覺得炸雞最吸引，一次可以食五種味道！一坐低先有啲自家製泡菜，薯仔絲幾好味，芽菜都唔錯！泡菜最正，酸酸辣辣好開胃！炸雞要等一陣先有！應該係新鮮炸起，上枱嘅時候熱辣辣一碟有齊五種味道餐廳好體貼，仲提供埋手套添！！炸雞好juicy，外脆內滑！炸粉亦都唔厚甜辣味幾惹味，不過我哋最鍾意芝士味！香脆嘅炸雞上鋪滿左濃味嘅芝士粉！我哋encore左幾次下次再嚟試吓芝士雞先得！