影片
更多
2024-08-31
222 瀏覽
📍牛大人台灣火鍋吃到飽 🔎旺角彌敦道628號瓊華中心8樓-----有一段時間冇食打邊爐，心癮起就捉咗屋企人同我一齊去洽一洽。以為夏天應該冇咁多人，點知竟然都係要等位。呢間分店第一次嚟，裝修幾新淨光猛場地四四方方用餐環境舒適。心血來潮上嚟食點知撞正佢哋同DREYER'S合作緊，可以任食平時7-11 拾幾廿蚊條嘅D-COLLECTION系列甜筒同雪條，仲要有我最中意嘅開心果味❤️。（呢個推廣做到8月31）湯底選擇都幾多，左揀右揀最後揀咗三椒酸菜鮮魚鍋湯底，上枱非常有儀式感，竟然係湯同魚分開上，魚有有炸過所以冇咁容易散開。食完覺得唔夠喉嘅話可以用QR code自己加點台灣鱸魚片加落去，雖然冇炸過容易散開。但係味道非常鮮甜。澳洲M5和牛片片都係雪花均勻嘅狀態，肉脂味濃郁，和牛高質，但其他肉類如西班牙豬梅肉片、紐西蘭羊卷肉及花雕酒雞件其實也很不錯。豬梅肉豬味濃郁，羊卷肉香而不膻，花雕雞則非常入味嫩滑。其他推介食物：鵝脆腸質感如其名，非常爽口脆身；逢甲Q爽雞腳筋則甚富咬口，滷汁恰到好處，不會太鹹，搭配啤酒好夾。；鮮甜海蝦好扎實，食得出食材新鮮；脆肉鯇魚腩魚脂豐腴，次次都係我嘅encore之選；真豬小
🔎旺角彌敦道628號瓊華中心8樓
-----
有一段時間冇食打邊爐，心癮起就捉咗屋企人同我一齊去洽一洽。以為夏天應該冇咁多人，點知竟然都係要等位。
呢間分店第一次嚟，裝修幾新淨光猛場地四四方方用餐環境舒適。心血來潮上嚟食點知撞正佢哋同DREYER'S合作緊，可以任食平時7-11 拾幾廿蚊條嘅D-COLLECTION系列甜筒同雪條，仲要有我最中意嘅開心果味❤️。（呢個推廣做到8月31）
湯底選擇都幾多，左揀右揀最後揀咗三椒酸菜鮮魚鍋湯底，上枱非常有儀式感，竟然係湯同魚分開上，魚有有炸過所以冇咁容易散開。食完覺得唔夠喉嘅話可以用QR code自己加點台灣鱸魚片加落去，雖然冇炸過容易散開。但係味道非常鮮甜。
澳洲M5和牛片片都係雪花均勻嘅狀態，肉脂味濃郁，和牛高質，但其他肉類如西班牙豬梅肉片、紐西蘭羊卷肉及花雕酒雞件其實也很不錯。豬梅肉豬味濃郁，羊卷肉香而不膻，花雕雞則非常入味嫩滑。
其他推介食物：鵝脆腸質感如其名，非常爽口脆身；逢甲Q爽雞腳筋則甚富咬口，滷汁恰到好處，不會太鹹，搭配啤酒好夾。；鮮甜海蝦好扎實，食得出食材新鮮；脆肉鯇魚腩魚脂豐腴，次次都係我嘅encore之選；真豬小香腸就坊間嘅台灣腸一樣味，香香甜甜，甚富脂香，出面食都幾貴，呢度可以任食；水蓮係香港少見嘅蔬菜，種植條件苛刻，屬於比較矜貴嘅蔬菜，爽脆清香，不錯；芝麻麻吉燒其實即係芝麻湯圓，煮完之後甜甜鹹鹹，好得意。
張貼
