醉翁亭火鍋館 (已結業)

食火鍋最重要係D材料夠新鮮，其次就係環境要舒適，抽風設備好，先至食得盡興！今日就去咗官塘鱷魚恤中心三樓呢間醉翁亭海鮮火鍋酒家，因為訂咗位，好快安排入座，店員亦好有禮招待同耐心介紹下食材！呢度坐位好寛敞，卡位仲有大菇辰靠背，枱與枱之間又距離較遠，坐得好舒服！呢度主打任食火鍋，平日$298一位，包飲品，冇時限，任點任食（指定項目食材）另有五款指定一次供應食材，包括有海鮮拼盤（有大蝦，元貝，蟶子，龍躉片，蟮片，青口）！非常新鮮！海鮮本來就有鮮甜原味，醮些醬油調味，更加提振食慾！大大碟美國頂級牛肩肉賣相震撼，這是兩人份量，但已經好大碟！灼分零鐘食得，這牛肉刀工一流，薄切雙飛，肥瘦分佈平均，所以好易灼熟，而且好有牛味，不容錯過！日式刺身，有北寄貝，三文魚腩，魷魚， 希靈魚，都係好新鮮！大大件冬茹燴花膠，名貴嘢喎，香腍輭滑，好有口感，淨食呢碟已經唔會蝕底啦！大大隻水餃皇，裏面饀料主要用大蝦仁配以木耳絲，豬肉等饀料，又係好新鮮，！食完呢五款指定食材，再自選一些豆腐，青菜，已經好足夠！不得了，仲有糖水雪糕！我投降啦！其間店員的熱誠招待，主動換碟，茶水無缺，值得一讚！