炑八韓烤 (瓊華中心) (已結業)

旺角炑八韓烤最近推出左燒肉放題，價錢超級抵👍🏻款式種類又多，今次叫左匠心燒肉放題餐，重點係有韓牛食，而且汽水雪糕任飲任食🤩入座後就會提供韓國小菜、沙律同生菜，點少得泡菜蛋同芝士粟米，除左沙律外全部都可以無限refill😝牛肉分別有韓牛外群肉、韓國嚴選牛肉、薄切牛舌等，我十分推介韓牛外群肉，肉質鮮嫩又多汁💦而且牛味濃郁，沾少少鹽就好好食😋除左牛肉之外，仲有豬肉、雞肉同海鮮可以選擇，佢地嘅豬皮燒到軟腍得黎帶點脆，食落充滿滿滿膠原蛋白，值得一試👍🏻另外仲有韓式料理，有無骨炸雞即叫即炸，外脆內軟又juicy💦蟹籽紫菜手抓飯食落好有口感呢度嘅款式多到食唔哂，下次可以試下其他，呢餐真係好滿足🥰