平昌 Premium (已結業)

好耐冇食韓燒，同朋友約咗去佐敦食平昌，之前食過旺角嗰間都唔錯，今次呢間係佐敦嘅質素都OK我哋揀咗世子套餐，其實都好多選擇，有牛豬雞同埋海鮮，估唔到平日夜晚都爆曬咁滯，真係要book位啊飲品就係出邊可以隨便自己拎，有汽水又有啤酒，仲有茶添套餐會送一個T骨扒，真係超級大塊同過爐差唔多size食牛肉就當然最抵食啦，我哋最鍾意食牛脷，同埋牛肋骨好好食，調味啱啱好唔會太重雞腎串都好好食，同平時嘅椒鹽味道不同，但係保持到爽口同埋好特別佢有豬腸同埋有牛腸，真係第一次韓燒食呢一款嘅肉佢仲有其他小食有炸雞，韓式飯團，同埋韓式粉絲甜品就要like Facebook先有，我哋揀咗椰子雪條同埋紅糯米，唔會太甜