鍋匠中日火鍋專門店 (已結業)

今日同一班朋友約咗去食雞煲，呢間吸引之處就係佢啲雞係可以任添㗎而且食完雞煲之後嘅打邊爐材料亦都可以任添，正呀！一上到去上面環境都唔錯，個feel次日式嘅餐廳多啲，一啲都唔似係食雞煲嘅。而嗰度嘅侍應服務態度都好唔錯喎，成日都留意我哋有啲咩需要，只可惜嗰度嘅衛生就有少少差，因為我哋當日都有幾次見到一啲細曱甴但都feel到嗰度嘅侍應唔係咁好意思，所以佢哋嘅服務態度都好好。講返食物方面啦，其實佢個雞煲真係唔錯架，我哋總共添左成兩三次，其實都真係幾抵食，不過佢打邊爐嘅材料就麻麻哋，而且食完雞煲之後諗住加湯打邊爐，但發現個湯係冇乜味架，所以我諗下次都係食雞算啦。最後其實仲有甜品任食，包括雪條同埋雪糕仲有雪米糍，不過味道就普通。