二鍋頭 (福苑)

營業中

休息中

去到旺角，一早已經想食任食火鍋，今日即使係星期4既夜晚，人流一樣多，座無虛席。我今日是2個半鐘，任食雞煲/鴨煲及火鍋。2個半鐘其實唔錯，平時常見的90分鐘，其實有點趕。2個半鐘就可以慢慢黎。我地選了雞煲，辣度可以自由選擇。選了小辣。雞煲炒得好香，加上洋蔥等等爆香。而且有鳳爪係裡面，可以慢慢食。個人好鐘意食鳳爪，因為好吸味。十分香口。到了火鍋時間，先選湯底。再揀配料，選單上的款式已經好多，肥牛等等常見，以致帆立貝，海蝦，魷魚，應有盡有真係好正。選單外，仲可以出去拎，大大個雪櫃。菜，丸，菇，魚片，應有盡有。而且一叫就黎，上菜好快。飲品都係任飲，款式之多，汽水有，清熱既都有，任揀。今次叫了豬骨濃湯湯底真係有舊大豬骨👍好正架。食材既料都好迎鮮，蝦，估唔到係咁大隻。最愛既肥牛，肉質都好好，食落牛味重，下了2次單我都有叫肥牛。墨魚滑實在係必點，啖啖墨魚粒，好爽口彈牙。仲有係鮮蝦雲吞，真係足料鮮蝦。疫情稍有好轉，好耐猜外出邊爐，總覺得外出邊爐係有一番風味，係屋企自己邊盧比唔上的。好開心既一餐。原來尖沙咀都開左分店，埋單仲有優惠卷。另外仲有搓手液送，係打邊盧既同時，都要注意手部衛生先得。