影片
更多
2020-01-14
222 瀏覽
難得星期日放假，同囝囝去太原街買禮物過新年，附近想搵間好少少的餐廳都不便宜，而且仲要坐得舒適，食物好味，真係有點難度，突然間醒起「川流」就係兩條街外，好就腳。星期日中午時段客人不多，但多數是單點食物，但自己一家四口，反而想食得輕盈一點。說起來「川流」已開業一年，係時候有點新攪作。近日餐廳在星期六日及假期，由11點到下午2點半，供應任食點心套餐，每位168，另加茶25/位，但可以在90分鐘內任食。餐前先來兩壺少見的老鷹茶及龍井，老鷹茶呷落帶甘甜，味道清新怡人。沙律吧 棒棒雞配棒雞麻醬汁預先褪骨及撕成絲，喜歡的可以夾埋粉皮及置底的水果片，令味道更添層次。蒜泥白肉配甜紅蒜泥汁白肉真係切得超薄，配合青瓜片，淋上蒜泥汁，辣度輕盈，就算兩位囝囝都接受到，而且越食越滋味。五香牛肉配醬麻油汁滷得好入味，但牛筋仲可以再稔些少。川北涼粉配涼粉汁好多人都會以為係粉皮之類，但早幾年係紅磡碼頭附近食過，醬汁調教出色，令整道菜增加不少分數。酸辣拌闊粉闊粉真係好煙韌，咬落要費點勁，不過醬汁酸酸辣辣好惹味。古方紅糖豆腐花若然怕食得太多辣，可以食返碗自家製豆腐花，而且係落紅糖漿，正好平衡一下味覺。除了前菜
難得星期日放假，同囝囝去太原街買禮物過新年，附近想搵間好少少的餐廳都不便宜，而且仲要坐得舒適，食物好味，真係有點難度，突然間醒起「川流」就係兩條街外，好就腳。
星期日中午時段客人不多，但多數是單點食物，但自己一家四口，反而想食得輕盈一點。
說起來「川流」已開業一年，係時候有點新攪作。
近日餐廳在星期六日及假期，由11點到下午2點半，供應任食點心套餐，每位168，另加茶25/位，但可以在90分鐘內任食。
餐前先來兩壺少見的老鷹茶及龍井，老鷹茶呷落帶甘甜，味道清新怡人。
沙律吧
棒棒雞配棒雞麻醬汁
預先褪骨及撕成絲，喜歡的可以夾埋粉皮及置底的水果片，令味道更添層次。
蒜泥白肉配甜紅蒜泥汁
白肉真係切得超薄，配合青瓜片，淋上蒜泥汁，辣度輕盈，就算兩位囝囝都接受到，而且越食越滋味。
五香牛肉配醬麻油汁
滷得好入味，但牛筋仲可以再稔些少。
川北涼粉配涼粉汁
好多人都會以為係粉皮之類，但早幾年係紅磡碼頭附近食過，醬汁調教出色，令整道菜增加不少分數。
酸辣拌闊粉
闊粉真係好煙韌，咬落要費點勁，不過醬汁酸酸辣辣好惹味。
古方紅糖豆腐花
若然怕食得太多辣，可以食返碗自家製豆腐花，而且係落紅糖漿，正好平衡一下味覺。
除了前菜可以任食之外，另有12款點心都係任食，全部都即叫即蒸，熱辣辣上檯，誠意十足。
點心
蝦汁小籠包
賣相比一般的小籠包更見用心，小小的蝦尾插在小籠包頂，食時另有「吱」管，可直接插入小籠包內注射，充滿了玩味。
講返主角，包皮柔韌富彈性，夾起都不易穿破，肉汁鮮甜味美，正。
紅酒京醬燒鵝包
可說是另一個亮點，包皮鬆軟，撕開兩半時冒著熱氣，鵝肉嫩滑，但又不太覺得有紅酒的味道。
美味素菜包
刴得夠幼細，加入菇菌令味道更香，畢竟是即叫即蒸，可以話無得輸。
貢筍三蝦餃
賣相跟一般蝦餃無異，但食落見真章，蝦肉鮮甜爽彈，蝦味特別濃郁，原來是加入了蝦籽，令味道更上層樓，而且餃皮擀得平均，飽滿而富彈性，絲毫沒有一口粉的感覺，少許透明，可以看到蝦肉的顏色，摺紋清晰可見，水準很高。
鮮蝦豆苗餃
豆苗當做翠綠，口感清新，唯一要挑剔是稍鹹。
蟹籽燒賣
超大隻，好懷疑消滅一籠已經飽，肉質鮮嫩，加入蟹籽口感更佳。
爆汁芝麻牛肉鍋貼
煎得啱啱好，鍋貼底沾滿了芝麻，咬開一刻，迎來是熱燙的肉汁，大家真的要小心。
百花煎釀蘿蔔糕
一見百花兩個字，就知道會釀入蝦膠，蘿蔔糕兩邊煎得微焦，所以食落帶脆口，卻又不失蘿蔔糕的味道，整件菜色都upgrade了，好有心思的改動。
麻辣腸蔥油餅
賣相好難想像係蔥油餅，但食落好香蔥油味，不過會幾飽肚。
蜂窩魚香茄子芋角
外層實在好酥化，餡料是魚香茄子又是一個驚喜位，軟稔之中，味道份外濃郁，又沒有多餘的油份。
糊辣殼酸辣抄手及雞湯抄手
兩款抄手的餡料其實是一樣，分野在於醬汁的運用，想清淡的當然是雞湯，但加入酸辣汁的抄手，令人越食越想食。
甜品
沒有甜品，硬是覺得欠了一些，而且一場到訪，又心掛排德哥的成名作雪糕。
由「雲陽」開始已經被深深吸引，怪味大曲朱古力意式雪糕（$48）及藤椒香子蘭意式雪糕 （$48），啡白兩款是各有千秋，既在濃香的朱古力中帶酒香，復有陣陣麻辣的感覺在舌尖漫延，所以就算加錢都要試試。
其實作價$168連茶位大約是$200位，大可當作Sunday Brunch，瞓得晏少少，再食得豐富些少。
張貼
