火鍋撚 (染布房街) (已結業)

🔸️ 火鍋撚 (染布房街) 🌍 台式📍旺角染布房街6號1樓呢間book mark左一段時間，次次經過旺角店都好多人，終於一試～埋單$2075, 約$520一位, 限時2小時我地選左台式古早沙嗲麻辣湯底 (小辣) , 個湯色比較濃, 食落去都唔錯, 唔辣。不過食到中間開始有少少苦味(唔係燶) , 可能係D 辣作怪? 少少怪…湯底已包含左鴨血同百頁豆腐, 豆腐好索味唔錯!講番食物, 都有D失望。叫左個手切肥牛(大) $377, 份量極少, 只係相既一層, 下面全部菜係底。仲要唔覺得牛味夠, 非常唔值。見到隔離枱叫啲牛份量都好少，最後無試其他牛。所有炸野類, 魚皮, 響鈴, 老油條, 都係好厚實, 我第一次食,唔係好岩我口質~ 魚皮, 響鈴要浸1分鍾左右( 平時我5秒內), 老油條就浸極唔淋, 好似係炸左十次先做呢個效果甘, 可能係台式既油條係樣既?其他都正常, 朋友話手打滑好食, 我覺得正常, 好多打邊爐高質放題店都做得到。如果要我推薦一樣野,必定係金桔檸檬蜜(熱) 。由於我手誤, 由凍變左熱… 點知出黎既味道真係好夠味,又濃又正, 錯有錯著, 叫左凍可能未必帶出個味道。最後, 送左個腐竹