芳華絕代 (已結業)

呢一間餐廳外牆嘅霓虹燈10分吸精，而食物亦都絕不馬虎，難怪長期都打晒蛇餅咁排隊。芳華絕代一開頭聽個名唔知食咩菜，見到餐牌發現佢主打泰國、馬來西亞、新加坡等的東南亞菜式。今日叫咗一個船麵，坊間嘅船麵較為細碗，但呢一間無論麵嘅份量或是餸菜嘅份量都偏多！湯底濃郁，香葉味亦都滲透落到湯底！正！再叫咗一個炒金邊粉，略嫌有少少太濕，但味道絕對可取！餸菜絕不吝嗇，配上一小舊青檸，啱晒鍾意食酸啲嘅朋友仔！飲品方面叫咗米淥恐龍，超級超級好味！（雖然有少少甜得濟），但等冰塊稍為融化就啱啱好！午市套餐可以加配蔬菜或者小食，價格不算太貴，小食份量適中！