影片
更多
2017-12-10
91 瀏覽
每次經過呢間o c i o, 總界它的情調環境吸引， 每晚經過總客似雲來， 好耐之前食過一次， 今晚再同朋友來食。晚餐包括湯同前菜, 今晚嘅湯係蕃茄湯, 前菜我就揀咗火箭菜魷魚, 蕃茄湯係啖啖嘅茄蓉,個湯係酸酸地嘅， 食飯之前飲個清新嘅濃湯， 係唔錯嘅選擇。 火箭菜魷魚就其實當沙律食 冇乜特別。寶雲酥羊架($168), 木盤上, 一 共有四大件羊架配沙律菜。 羊架幾大件 而且食落去一啲都唔騷， 肉質較乾身， 羊架上有啲香料之類嘅去帶出個羊味， 食羊最緊要唔騷，呢個佢整得幾ok。美式bbq汁烤原條燒肋骨配薯條($168), 好大條燒肋骨, 而且香噴噴, 成條肋骨之間都好易切開， 即係代表食落去都唔難咬開, 佢個bbq汁係酸酸甜甜帶少少辣, 味道係開胃嘅。 伴碟嘅薯條都整得好好味, 外脆內軟, 攤凍咗都覺得脆,好好食。小食拼盤(＋49): 晚餐加49蚊可選小食一款, 我哋叫咗小食拼盤包括有炸雞件 ,咖哩角,春捲,炸蝦,炸魚柳及薯條, 除了薯條之外 ,每樣小食都有兩件, 當中覺得炸雞件( 即係麥樂雞) 同炸蝦係特別好食, 除咗所有都係即叫即炸熱辣辣之外 ，佢嘅雞件係好實肉， 咬落去真係食到啖
晚餐包括湯同前菜, 今晚嘅湯係蕃茄湯, 前菜我就揀咗火箭菜魷魚, 蕃茄湯係啖啖嘅茄蓉,個湯係酸酸地嘅， 食飯之前飲個清新嘅濃湯， 係唔錯嘅選擇。 火箭菜魷魚就其實當沙律食 冇乜特別。
寶雲酥羊架($168), 木盤上, 一 共有四大件羊架配沙律菜。 羊架幾大件 而且食落去一啲都唔騷， 肉質較乾身， 羊架上有啲香料之類嘅去帶出個羊味， 食羊最緊要唔騷，呢個佢整得幾ok。
美式bbq汁烤原條燒肋骨配薯條($168), 好大條燒肋骨, 而且香噴噴, 成條肋骨之間都好易切開， 即係代表食落去都唔難咬開, 佢個bbq汁係酸酸甜甜帶少少辣, 味道係開胃嘅。 伴碟嘅薯條都整得好好味, 外脆內軟, 攤凍咗都覺得脆,好好食。
小食拼盤(＋49): 晚餐加49蚊可選小食一款, 我哋叫咗小食拼盤包括有炸雞件 ,咖哩角,春捲,炸蝦,炸魚柳及薯條, 除了薯條之外 ,每樣小食都有兩件, 當中覺得炸雞件( 即係麥樂雞) 同炸蝦係特別好食, 除咗所有都係即叫即炸熱辣辣之外 ，佢嘅雞件係好實肉， 咬落去真係食到啖啖嘅雞肉味， 唔似有溝咗其他嘢落去， 炸蝦又長又大條， 裏面都係成條鮮蝦， 外面嘅炸粉皮一啲都唔厚。 49蚊嘅小食拼盤係好大分好多嘢食， 呢個抵食!
晚餐會送甜品， 今次有芒果蛋糕或者雪糕俾我揀， 我同朋友都叫咗件芒果蛋糕， 食到飽一飽 但都食得曬呢件甜品， 因為其實佢好light好清， 忌廉好易入口， 仲有好清新嘅芒果味， 好想食多件。
埋單連加一四百幾蚊， 其實咁大份量又咁多， 都幾抵食， 我同朋友兩個女仔食到捧住個肚走， 細食嘅朋友唔叫小食，單叫一個餐都好夠飽。 只係地方比較淺窄， 張枱一人一個餐都已經擺唔落其他小食了。
張貼
